Jornal Nacional Diario - Tersa-feira, 14 Janeiru 2013
Hospital Nasional Guido Valadares iha fulan janeiru ne’e registu
labarik nain 24 ne’ebe hataka moras dengue no Diaria, husi Numeru
refere nain ida mate no nain 23 kontinua halo tratamentu.
Doutor Klinika HNGV, Aniceto bareto informa, hahu loron 1 fulan
janeiru to’o ohin moras dengue no diareia registu as iha HNGV.
Tipu moras rua ne’e iha tinan kotuk la dun as, maibe tama tinan foun
numeru ne’e sa’e duke moras sira selukno mairoai moras refere ataka
labarik ho idade tinan lima mai kraik.
“Iha labarik nain 24 ataka moras dengue no diarea, husi numeru ne’e
ida mate tanba mai ho kondisaun grave no nain 23 mak hetan
tratamentu,” dehan Aniceto Bareto ba Jornalista sira iha HNGV Bidau
(11/1).
Doutor ne’e esplika, kauza husi moras refere akontese tanba tempu udan
monu rai nomos laiha konsensia husi komunidade ne’ebe soe foer arbiru
no la halot kalen aat no roda inklui laiha konsensia hamos uma laran,
tanba susuk dengue gosta horik fatin no sasan sira ne’ebe hanesan
ne’e.
Nia hatutan, bainhira hetan tratamentu husi HNGV husi nain 23 ne’e
nain 17 alta ona no nain 6 mak sei kontinua baixa.
Ho numeru dengue ne’ebe bo’ot antes remata fulan ida ne’e, doutor ne’e
husu ba komunidade iha kapital Dili atu fo atensaun ba idak-idak nia
hela fatin tanba moras refere perigu.
.
Sem comentários:
Enviar um comentário
Nota: só um membro deste blogue pode publicar um comentário.