“Ema Deskonesidu Oho Joven 1 Iha Santa Cruz”

.

Jornal Nacional Diario - Segunda-feira, 02 Dezembru 2013 

Kinta (28/11) horseik komunidade Santa Cruz Aldeia 25 Abril hetan mate isin joven ida ne’ebe latan hela iha kaixa leten, iha deler motor Torindo Ralon Motor Unipessoal, Lda ninia oin. 

Vitima ne’ebe sai seguransa privadu iha motor Torindo Ralon Motor Unipessoal, Lda, mate iha nia edifisiu nia oin. 

 Vitima ho naran Ato Soares (tinan 26) ne’ebe sitimadu ‘sikitu’ moris iha Distritu Viqueque, Sub Distritu Watulari, Suku makadiki. Komandante Servisu investigasaun Kriminal nasional Superitendente Calistro Gonzaga dehan Polisia seidauk hatene motivu akontesementu iha fatin refere, agora mate isin lori ona ba Hospital Nasional Guido Valadares (HNGV). 

“Ita nia tema forensic sira to’o iha area ne’eba, klaru ita nia joven ida mak mate latan hela depois ita lori ba hospital, nia hetan asaun fiziku oituan iha nia ulun maibe ita seidauk hatene motivu, agora ita presiza elabora ho doutor patolojia sira,” dehan calistro Gonzaga ba JN-Diario, Kinta (28/11) iha nia knar fatin Quartel jeral Caicoli, Dili. 

Nia hatutan, horseik la’e ohin bele hala’o ona autopsia ne’ebe familia mos hatene, nune’e bele hatene husi ezame parte patologia nian, iha konfirmasaun baziku ne’ebe mak iha, vitima mate toba hela hanesan fatin deskansa ne’ebe vitima servisu ba. 

No vitima mate iha kalan boot, ne’ebe ema oho tiha ona mos ema la hatene no dader mak komunidade foin haree. 

 Nune’e, familia matebian Madalena Pinto hateten, sira familia hakfodak ho nia mate ne’e derepenti, mate ne’ebe mak la espera katak nia atu mate, ami familia bele deskonfia se ema mai mak baku nia karik nia tenki hakilar, tanba uma besik malu deit ho vitima nia mate fatin ne’ebe latan ba, se haksesuk malu ruma ita tenki hatene, se baku iha fatin karik ran sira ne’e tenki naklekar (katik) iha aftin hotu-hotu no ran ne’ebe mak iha ne’e iha fatin ne’ebe mak nia haklena ba ne’e deit.

 Entertantu, tuir observasaun Jornalista iha terenu nota katak, vitima mate la dok husi nia uma, mai zu menus 100 metrus, no vitima nia isin latana hela iha kaixa fatin deskansa ba no fatin ne’e diding de’it ho au. A

leinde ne’e, vitima servisu iha fatin refere durante tinan 4 ona ne’ebe sempre tama kalan hodi troka nia kolega ne’ebe mak tama ona iha Sift dader nian. 

.