“PM Xanana Hetan Premiu Liberdade Pensamentu No Espresaun”

.

Jornal Independente - Kuarta-feira, 06 Novembru 2013

Parlamentu Nasional Europeia sei konvida Primeiru Ministru Xanana Gusmao, halao vizita ba rai Estrazburgu hodi simu premiu SAKAROF husi Parlamentu Europeia nian.

Xanana simu premiu ne’e hafoin hetan selesaun husi Parlamentu Europeia nuudar lider politiku ne’ebe durante tinan 25 liu defende nafatin nia idelojia kona ba liberdade pensamentu no espresaun.

“Iha loron 17 to’o 21 Novembru agora, hau sei ba iha Estrazburgu, ne’ebe hau sei simu premiu SAKAROF husi Parlamentu Europeia nian ne’ebe sira fob a ema sira konsidera katak, iha tempu difisil nia kare nafatin nia anoin dehan, liberade pensamentu, liberdade de espresaun, ne’ebe hau ba simu hanesan mos uluk Nelson Mandela simu, no ami lubuk oan ida deit mak simu hamutuk ho labarik feto ida naran malala husi Pakistaun,” dehan PM Xanana iha palasiu Prezidensial Ai-Tarak laran, semana kotuk.

 Xanana dehan, nia sente orgullu nuudar ema ne’eb mos mundu konsidera hanesan lider politiku neebe tinan 25 defende no komprende diak saida mak liberdade pensamentu no liberdade espresaun. Tanba ne’e, antes simu medalla ne’e iha konferensia ne’e, Xanana ho nia belun sira ne’ebe sei simu medalla sei esplika mos sira nia hanoin no ideolojia kona ba saida mak liberdade pensamentu no espresaun.

“Hau sei ba esplika buat ida be liberdade espresaun ne’e oinsa? Tanba hau buat ida bee liberdade espresaun ne’e fo forsa bah au, dala ruma hau kritika ema hau la tauk no hau hanoin buat ne’e loos hau fo sai,” tenik nia.

Tuir PM Xanana Gusmao katak, premiu ne’ebe nia simu laos foin primeira vez, tanba nasaun barak mos konvida ona nia no rona nia hanoin kona ba demokrasia no seluk tan.

.