“Ohin Komandante SIKN Hatan Ba Tribunal”

.

Jornal Nacional Diario - Sesta-feira, 22 Novembru 2013 

Komandante Servisu Investigasaun Kriminal Nasional (SIKN), Superitendente Calistro Gonzaga, ohin Sesta (22/11), kompri hodi ba hatan iha Tribunal Distrital Dili (TDD), relasiona ho kazu ne’ebe mak Ministeriu Publiku (MP) akuza kona ba abuzu poder no partisipasaun. 

 “Hau simu karta notifikasaun kleur tiha ona ne’ebe iha loron 22 Novembru (ohin) hau pronto ba hata’an iha Tribunal kona ba kazu ne’ebe mak MP akuza hau kona ba abuzu de poder no partisipasaun,”Sublina calistro Gonzaga ba Jornalista sira iha Kuartel jeral PNTL, kaikoli, Dili, Kinta (21/11). 

 Calistro afirma, MP akuza nia ne’e kazu kleur onaiha tinan 2012 ninian. “Ema hotu konsidera lei rasik la’os dehan ita mak kaer lei, ne’ebe ital abele ba hata’an, ne’e labele nuudar sidadaun tenki kumpri, prosesu ne’e atu laom los ka lae nia prosesu ikus mak iha Tribunal,” dehan calistro. 

Calistro realsa katak, nuudar ema ne’ebe moris iha nasaun demokratiku ne’ebe bazeia ba lei tenki kumpri saida deit no saida deit mak atu justifika ba iha Tribunal mak sei koalia. 

“Hau hatene ema balun koalia ne’e hanesan nia interpretasaun deit, lahatene lei ka nia mak hakarak hatun deit hanesan ne’e, hau hakarak dehan, hau MP akuza hau krimi partisipasaun no abuzu poder maibe hau haree fali iha Jornal katak, hau involve iha krimi organizadu, ne’e lalos maibe la buat ida koalia,” dehan nia. 

Calistro Gonzaga Pronto ba hata’an iha tribunal, nune’e nia kargu seo suspende, depois ikus mai mak desizaun mai husi Tribunal. 

Antes ne’e, deklarasaun balun espalla iha publiku katak, ofisiais PNTL involve iha krime organizadu maibe atu termina katak, los ka lae involve iha krime refere deiszaun husi Tribunal. 

.