“Lucia Lobato Baixa Iha HNGV”

.

Jornal Nacional Diario - Tersa-feira, 13 Novembru 2013 

Prijioneira eis Ministra Justica (MJ), Lucia Lobato baixa iha sala VIP Hospital Nasional Guido Valadares (HNGV), tanba ninia moras kleur mosu fila fali, nune’e Doutor espesialista sira fo konsulta. 

 Lucia Lobato tama iha sala VIP HNGV iha loron sabadu (9/11) kotuk dadaun ne’e, tamba hetan rujukan husi mediku sira ne’ebe halo atendementu iha Prizaun Gleno Ermera, tanba tuir diognosa ne’ebe sira observa iha Ermera katak, pasiente refere presija hetan atendementu iha HNGV. 

“Sra. Lucia Lobato nudar pasiente bai-bain ne’ebe mos iha direitu hodi mai iha ne’e hodi hetan atendementu husi Dr espesialista sira konaba moras ne’ebe mak nia infrenta,” Direktor Ezekutivu HNGV Dr. Domingos da Silva iha HNGV Bidau, Segunda (11/11) ne’e. 

 Maske nune’e mediku sira la fo sai kona ba moras ne’ebe mak Lucia Lobato infrenta ne’e, tantu oras ne’e dadauk prijioneiru ne’e iha hela prosesu observasaun nia laran, nune’e sidauk hatene los oinsa diognosa prijioneiru ne’e. 

Eis Ministra Justica Lucia Lobato oras ne’e dadaun hetan atendementu husi Dr. Serugia (Dr. Bedah) husi nasaun Cuba, tantu kondisaun prijioneira ne’e dadaun hatudu pasu pozitivu. Iha oportundiade ida ne’e, eis Diretor Institutu Nasional Siensia (INS) ne’e komenta liu tan katak, kondisaun Guarda Prizioneiru becora ne’ebe hetan torturasaun husi prijioneirus sira iha semana kotuk liu ba ne’e ninia kondisaun hahu diak hanesan Guarda Prijioneiru Justino Gomes.

.