Sobu Obra Arboru: “PR Taur Konsidera AND Komete Krime”

.

Jornal Nacional Diario - Segunda-feira, 07 Outubru 2013 

Prezidenti Republika (PR) Taur Matan Ruak, konsidera agensia Dezenvolvimentu Nasional (ADN) iha implementasaun komete krime tamba sobu obra ne’ebe laiha kualidade ne’ebe kaer husi empprejariu nasional sira. 

 PR Taur dehan, tuir lolos, ADN atu sobu ne’e primeiru tenki halo akompaniamentu uluk husi hahu projeitu kuandu la diak sobu, maibe to’o tiha ona 100% mak sobu ne’e ladiak. 

PR Taur hateten lia hirak ne’e wainhira participa iha dialogu ba dahuluk entre seitor privado sira ne’ebe hala’o iha Hotel Timor, sesta, (4/10) iha Hotel Timor, Dili. Xefe Estado hateten, baibain Director ADN, Samuel Marcal mak ba loos hodi sobu projeitu sira ne’ebe la iha kualidade maibe PR Taur konsidera ADN destroi osan ne’ebe mak devia fob a komunidade sira ne’ebe mak hela iha area rural. “Hau haree Sr. Direoctor ida baibain sobu obras ne’e? 

ADN, ba loos tanba nia sobu, não e crime, este e crime, ne’e destori osan sira ne’ebe devia ba ema kiak sira iha foho leten ne’eba, não pode, nia kuuandu sobu obra ida, nia laiha emosaun, osan hira mak nia sobu tiha ona, hau dala ruma haree hau atu tanis nusa mak nia la fo ba hau fob a ema kiak sira foho leten ne’ebe uluk suubar hau,” dehan PR Taur ho hirus. 

PR Taur hateten, tuir lolos ADN tenki akompania para servisu hamutuk ho kompania sira labele sai fali element presaun ADN nian, ne’e labele!. “A melor forma servisu, servisu hotu emprezariu sira para servisu loro-loron ajuda para hari’i, nia labele sai element persaun mas labele sai metodu ida, não pode,” kestiaona PR Taur. 

 Prezidenti mos konta katak bairo sira iha Farol halo desde uluk kedas no iha tempo ne’eba enjineiru laiha maibe sei dura to’o ohin loron. “Bairo Farol sira ne’e dala ruma halo hau seidauk moris tan i uluk enjineiru laiha, ohin sei iha,” dehan Taur. Anntes ne’e, Director ADN, Samuel Marcal hatetenn katak ADN iha ona ekipamentus atu bele koko obra infraestrutura ne’ebe laiha kualdiade. 

 Nune’e Diretor ADN rasik tun ba terenu hodi fiskalliza projeitu ne’ebe laiha kualidade no sobu obra ne’ebe halo ona maibe laiha kualidade iha Timor laran tomak. 

.