“Publiku Lakon Konfiansa Ba HNGV, MS Masa Bodoh”

,

Fotos de, Arsénio Bano

Jornal Nacional Diario - Segunda-feira, 07 Outubru 2013

Reprezettante Povu iha uma fukun Parlamentu Nasional (PN) hateten katak, dadauk ne’e publiku lakon ona konfiansa ba prestasaun servisu tekniku no kualdiade atendementu saude nian iha Hospital Nasional Guido Valadares (HNGV), maibe Ministeriu Saude (MS) Masa Bodoh.

Tuir Prezidenti Komisaun F ne’ebe trata asuntu saude Edukasaun Virgilio Hornai katak, problema ida ne’e MS tenki esplika lolos, tanba se la’e povu sira kuandu moras, sira lakohi atu ba halo tratamentu iha banku de urjensia, tanba tauk ho prestasaun servisu tekniku sira ne’ebe halo atendementu iha ne’eba.

“Hau hanoin Ministeriu Saude tenki klarifika situasaun ne’e lolos, atu nune’e povu bele hetan nafatin konfiansa ba tratamentu saude,” dehan Virgilio Hornai.

 .

.

Virgilio Hornai hatutan katak, durante ne’e Fiskalizsaun Komisaun F nian ba iha HNGV, konsege identifika problema barak ne’ebe mosu iiha ne’eba, hhanesan problema aimoruk, fasilidade no selu-seluk tan. 

“Hau hanin rejultadu ema balun mate tamba ai moruk laiha, maibe iha item balun ne’ebe laiha, sira la halo prosesu ba distribuisaun ne’e lalais mak hodi aimoruk ne’e laiha,” tenik Virgilio Hornai. 

Iha fatin hanesan, Deputadu Inacio Moreira husi bancada FRETILIN mos afirma katak, nia triste tebe-tebes wainhira rona katak, iiha hospital siira ne’e aimoruk laiha. “Aat liu tan mediku sira ne’e dala ruma la kumpri oorden servisu nian, ida-iida servisu tuir nia vontade deit, ida ne’e mak hau triste tebe-tebes,” katak Innacio Moreira. 

Inacio hatutan, Ministru saude presiza tenke hanoin, oinsa mak atu organiza didiak ministeriu ida ne’e, atu hospital iha Timor laran tomak ne’e, bele lao diak tuuir ema hotu nia hakkarak. “Agora dadauk ne’e karik mosu ona nepotismu mak haree malu la diak, ou tamba Ministru Sergio Lobo hanesan masa bodoh hela deit, mak hodi problema ne’e mosu,” esklarese Inacio Moreira ba JNDiario Sesta (04/10 iha PN. 

 Inacio mos husu MS atu hadia sistema servisu parte saude nian, hodi nune’e labele fo perigu ba ema nia vida.

.

.