“PN Husu Hapara Asaun Hasoru Dr. Daniel”

.

Jornal Independente - Kinta-feira, 10 Outubru 2013

Parlamentu Nasional (PN) liu husi Komisaun F (Trata asuntu Saude, Edukasaun, Veterannus no Igualidade Jeneru) husu ba staf no eis staff kllinika bairu-Pite atu hapara asaun pasifika hasoru Dr. Daniel Murpy, tanba asaun ne’e bele fo perigu ba saude pasiente sira. 

Komisaun F husu atu resolve ho ulun malirin tanba asaun ne’e fo ameasa ba vitima pasiente sira bainhira Dr. Daniel la halo konsultasaun adekuadu.

 Asaunn pasifiku ne’e hahu iha loron tersa-feira no kontinua iha kuarta-feira (09/10) hasoru Diretor Klinika Bairo Pite husi eis staff hamutuk nain neen (6) halo revolta no taka portaun Klinika atu Dr. Daniel labele tama konsulta pasiente.

Tanba ne’e, membru komisaun F, Ilda Maria da Conceicao husu ba Staf Klnika Bairo Pite lalika halo asaun no lalika taka portaun hasoru Dr. Daniel tanba pasiente ha klinika presiza halo konsultasaun adekuadu. “Ami senti kontravesrsi mosu hanesan ne’e sira tenki tuur hamutuk para esplika lolos ba malu hodi resolve iha interna,” dehan nia iha PN, (09/10).

Entertantu, pasiente Klinika Bairo Pite lamenta ho asaun ne’ebe staf sira halo hasoru Dr. Daniel ne’e hatudu indisplinadu. Pasiientte david souse (37) hatete, staff sira ne’e loro-loron sepre preokupa ho doutor Daniel atu labele fo konsulta lai ba pasiente sira hodi resolve lai sira nia problema.

“Ami fiar katak Dr. Daniel ne’e ajuda ona ema barak, maibe ita kompara tok Dr. Sira seluk, Dr. Daniel mak fo konsulta diak,” dehan david ba Independente horseik iha sala baixa klinika Bairo Pite.

 “Ami pasiente la simu ho hahalok hanesan ne’e, ne’ebe staff sira hatudu, maske ami mai baixa iha ne’e laos, sira staf ne’ebe halo asaun mak atu atenede ami, maibe Dr. Rasik mak fo atende baa mi,” dehan nia ho tristeza. Antes ne’e, Dr, Daniel hasai tiha staf nain neen (6) husi Klinika tanba halo revolta hasoru klinika sein konesementu. 

 Staff sira halo konferensia imp0rensa hamutuk ho Organiizasaun Naun Govermental (ONG) Luta Hamutuk (LH) kontra Dr. Daniel, tanba deskonfia mosu korupsaun, Kolusaun no nepotizmu iha Klinika Bairo-Pite.

Hafoin ida ne’e, Dr. Daniel ezizi staf sira atu husu deskulpa ba klinika ho durasaun tempu loron 10, maibe ikus mai staf sira hamosu asaun pasifiku, nune’e Dr. Daniel ameasa staf sira ba Tribunal karik la husu deksulpa.

.