Padrastu Halo Relasaun Seksual Hasoru Oan “TDD Kondena Prizaun Tinan 14”

.

Jornal Nacional Diario - Segunda-feira, 07 Outubru 2013

Tribunal Distritu Dili (TDD) Sesta (4/10) loraik ne’e kondena arguidu Vasco Pereira ho pena prizaun tinan 14, tanba halo relasaun sexual hasoru nia oan hakiak C.F.C.

Antes tama iha leitra akordaun Tribunal alerta tiha artidu 173 kona ba krime violasaun ne’ebe MP akuza ba arguidu, Tribunal alerta ba fali artigu 177 no 173, tanba momentu akontesementu ne’e, vitima foin mak idade 12, ne’e sei tama iha kategoria menor idade, Leitura akrodaun ne’ebe le sai husi Juisa Jacinta Coreia katak, Tribunal kondena arguidu ho pena prizaun tinan 14 ne’e, tanba faktus aprovadu duni arguidu komete krime abuzu sekxual ba menor artigu 177 no krime agravasaun artigu 173 kodigu penal TL.

Antes ne’e iha audensia julgamentu vitima deklara ba Tribunal katak, vitima toba dukur hela iha kuartu laran arguidu hanesan vitima nia aman padrastu tama ba kous tiha vitima no lori vitima ba iha sira nia kuartu laran, no memento ne’e vitima nia inan ba halo lia iiha Fahimeta no toba iha ne’eba, arguidu ahsa’e vitima nia saia to’o iha nia hirus matan, depois kolu vitima nia roupa hotu no komesa halo relasaun seksual hasoru vitima.

Tuir vitima iha momentu ne’e nia atu hakilar maibe arguidu takka metin tiha vitima nia ibun no ameasa dehan labele hakilar, selae sarguidu buti vitima nia kakorok to’o mate.

 No iha momentu ne’e, vitima tanis no husu ba arguidu nusa mak apa halo hanesan ne’e ba hau, maibe suspeitu hatan katak, labele hatete ba ho nia inan se lae hau oho tiha o, depois hau fo osan, tamba tauk vitima la fo hatene nia iinan kona ba nia aman padrastu nia hahalok ne’e.

Iha loron 10/6/2012, vitima nia inan sai tiha arguidu aroveita tan oportunidade ne’e, iha tuku 14:00 Otl kalan bainhira vitima toba mesak iha kaurtu laran, arguidu tama ba hasai vitima nia roupa hotu taka metin vitima nia ibun kontinua halo tan relasaun sexual hasoru vitima, depois arguidu sai tiha ba liur no husik vitima tais hela iha kuartu laran.

Iha loron11/6/2012, tuku 03:00 vitima deklara sai ona nia aman padrastu nia hahalok ne’e ba nia inan, maibe bainhira vitima nia inan atu konfirma ne’e ba arguidu, arguidu nega no hirus kedas vitima nia inan no vitima foin atu koalia ba nia inan arguidu hamrik basa dala ida iha vitima nia asan parte los to’’o vitima monu tun ba rai no foti sintu atu baku tan vitima.

.