MTK Fadegadu Ho Miss Timor “Fatin Turizmu Abandona”

.

Jornal Nacional Diario - Kuarta-feira, 23 Outubru 2013 

Ministeriu Turizmu ni Kultura (MTK) oras ne’e dadauk fadigadu (Sibuk) liu hos Miss Timor ne’ebe mak nakfilak ona ba Miss Turizmu, abandona tiha fatin turizmu ne’ebe mak tuir lolos fo atensaun masimu. 

Prezidente Grupo Muiler Parlamentar Timor Leste (GMPTL), Josefa Soares Perreira fo hanoin katak, karik Miss Timor ne’ebe mak nakfilak an ona ba Miss Turizmu ne’e halo husi kompania sira bo-boot ne’e ho interse atu promove produtu ne’ebe mak kompania ne’e rasik iha ne’e diak tanba bele hatama rendimentu ba estadu maibe Ministeriu rasik mak halo sei la promove buat ruma iha seitor tuzimu nian. 

“Se karik ida ne’e mak halo husi Pengusaha, kompania sira boboot ne’e tanba sira iha interese atu promove sira nia produtu ruma, ida ne’e oinseluk mas ida ne’e perioridades seluk ne’ebe ke importante tebe-tebes, liu-liu ba area turizmu nian laos miss Turismu” dehan Prezidenti GMPTL, Josefa Soares Pereira ba Jornalista sira iha Parlamentu Nasional, Tersa (22/10). 

Tuir Prezidenti GMPTL katak durante implementasaun Miss Turizmu mos labarik sira ne’ebe mak participa iha Miss ne’e preparasaun laiha liu tamba ne’e labarik sira rasik lahatene MTK Kalbuadi Lay nia naran no la konese. 

 “Haul amenta tebe-tebes tamba nia (Kalbuadi Lay) halo miss turizmu ne’e, proprio labaraik sira ne’ebe ba sai miss ne’e la hatene Ministru ne’e nia naran rasik, ne’e haul amenta la halimar,” dehan Josefa. Prezidenti GMPTL ne’e hatutan katak, Miss ne’e tenki iha preparasaun ne’ebe diak no lori tempu barak la’os prepara fulan ida rua hahu hala’o ona Miss depois rezultadu la diak. 

Deputada husi Bancada FRETILIN ne’e hatutan, PN sei prepara para atu husu kona ba aktividade Miss ne’e ho nia Orsamentu Jeral Estadu (OJE) iha ne’ebe mak hodi halo miss ne’e. 

Aproveita oportunidade ne’e, nia husu ba Ministeriu Turizmu no kultura atu bele haree no hadiak fatin turizmu iha Timor-Leste ona tanba iha fatin barak mak iha potensia boot ba turizmu nian. 

.