“Komando Rekonese Oknum PNTL Fasilita Ema Hatama Droga”

.

Jornal Nacional Diario - Segunda-feira, 07 Outubru 2013 

Komando Jeral Policia Nacional de Timor-Leste (PNTL) rekonese katak, iha duni oknum PNTL balun involve iha grupu organizadu no fasilita ema hodi droga tama Timor-Leste. 

“Hau hanoin buat sira ne’ebe mak itta nia (Maijor) Jeneral Lere Anan Timur hatete ne’e dala ruma los, no hau hanoin ne’’e hanesan avizu saida mak hatete sai ne’e, nune’e mos hanesan alerta ida ba iha membrus PNTL hotu, ba mos ofisiais ne’ebe servisu iha instiituisaun atu haree deit ba ninia kna’ar no responsabldiade seguransa iha ita nia rai laran, ital abele ba mete sasan sira ne’e,” hateten segundu komandante jeral PNTL Komisariu Afonsu de Jesus ba jornalista sira bainhira partisipa iha serimonia membru F-FDTL entrega atributu ertemarsiais nian, iha Kuartel General, fatuhada, Dili, Sexta (04/10). 

Segundu Komandante PNTL mos haktuir tan katak, membru ka ofisias PNTL ne’ebe komete iha kazu sira anesan krime organizasaun no transaksaun droga oras ne’e prosesu la’o namanas hela, karik to’o ptosesu ikus mak hetan duni, sira tenki roma desizaun hodi hakat sai husi instituisaun refere. 

“Informasaun iha tiha ona maibe ami sei rekolla nafatin para atu buka informasaun ne’ebe kompleta iha evidensia atu nune’e bele prosesa sira tuir lei no regulamentu ne’ebe mak iha,” dehan Afonso. 

 Antes ne’e, iha loron kinta (03/10), Xefi estado Maior F-FDTL, Maior Jeneral Lere Anan Timur, hateten katak, iha ofisiais PNTL balun involve iha Grupu organizadu no mos fasilita ema lori droga tama mai iha Timor. Husu kona ba preokupasaun xefi Estadu Maior F-FDTL, Maijor General Lere Anan Timur ne’ebe husu Governu atu halo reforma ba Eis Polisia Republik Indonesia (POLRI), ne’ebe sei ativu nafatin iha Polisia Nasional Timor-Leste (PNTL), Segundu Komandante Jeral PNTL, Komisario Afonso de Jesus hateten, kona ba reforma ne’e prosesu hela ne’ebe sira sei haree tanba parte Juridiku sira hare iha lei ba reforma niian ne’e kuandu los ona mak sei halo reforma ba PNTL sira ne’e. 

Segundu komandante ne’e mos hateten tan katak, kona ba atu halo reforma ne’e nia hanoin diak tebe-tebes atu nune’e prepara fali jerasaun foun sira. 

.