“Kilat PNTL 23 Sei Lakon”

,

Jornal Independente - Segunda-feira, 07 Outubru 2013 

Kilat Polisia Nasional Timor-Leste (PNTL) ne’ebe mak lakon iha krize 2006 too ohin loron seidauk rekolla hamutuk 23 resin, kompostu husi kilat boot ho marka AK-33 no Pistola. 

 Segundu komandante PNTL, Komisariu Afonso de Jesus hatete, Polisia rekoila ona kilat ballun ne’ebe mak uluk lakon iha krize 2006 no mos kilat hirak ne’ebe mak membru polisia balun halo lakon, nia dehan, kilat ne’ebe sei lakon hamutuk 23. 

 “Ita nia kilat boot ne’ebe mak uluk foti iha Fronteira AK-33 ne’e sei falta 3 no pistol sei falta 20 resin ne’ebe mak seidauk hetan,” hateten afonso ba Jornalista sira iha Kuartel jeneral F-FDTL Fatuhada, sesta (04/10). Iha krize 2006, membru rebeldes nasaun lidera husi matebian Major Alfredo Reinato halo asaltu ba polisia Fronteira ne’ebe konsege hadau kilat boot AK-33 no Pistola balun. 

 Relasiona ho kilat hirak ne’ebe mak se lakon, adjunto komandante PNTL ne’e husu ba komunidade sira atu hetan kilat bele informa ka intrega direta ba polisia, tanba tuir nia, kilat ne’e bele fo perigozu ba ema nia vida. Maske nune’e deklarasaun adjuntu komandante PNTTL ne’e kontraversial ho deklarasaun Sekretariu estadu Segurasa (SES) antes ne’e. SES Francisco Guterres deklara ktak, Kilta PNTL nian ne’ebe lakon iha tempu krize 2006 ne’e rekolla hotu ona. 

“Kilat hirak lakon ne’e ami rekolla hotu ona iha ona komandu PNTL niia liman, hein atu harree deit kilat hirak ne’e husi instituisaun PNTL nian no husi Unidade ne’ebe nian,” hateten Guterres. 

Nia dehan, karik verifika hotu ona kilat ne’e mak fin fo sai ba publiku, nune’e nia husu ba komuidade atu labele paniku ba kilat lakon ne’e.

,