Kazu Nega Oan Ilegal; “MJ Babo, Luisa Ho MECB Tuir Teste DNA”

.

Jornal Independente - Sesta-feira, 18 Outubru 2013

Nega bele nega, loos ka sala, atu justifika labarik inosenti inisial MECB (2) ne’e oan husi se? tenki liu husi prosesu legal ida. Labarik inosente MECB ne’ebe deskonfia oan husi Dionisio da Costa Soares Babo atual Ministru Justisa (MJ) ho nia inan Lusia da Costa halo testu DNA (teste raan), atu bele hetan faktu.

Nune’e, atu hetan faktu, MECB ho nia inan ne’ebe deskonfia nu’udar eis kaben husi Dionisio da Costa Soares Babo, kuarta (16/10), hakat ona ba Hospital Nasional Guindo Valadares (HNGV), liu husi dirasaun laboratorium Nasional Saude (DLNS) hadi halo teste.

 Antes ne’e, iha Tribunal Distrital Dili, Babo autal Ministru Justica (MJ) rejeita labarik MECB la’os nia oan, nune’e Tribunal Distrital Dili (TDD) deside ahlo teste raan (DNA) ba labarik MECB nia oan rasik, maibe ikus mai nia deklara iha (Tribunal) katak laos nia ona.

“Antes ne’e Sr. Dionisio Babo dehan nia ona, tanba ne’e nia hateten kedas ba familia sira katak oan (labarik) ne’e hau nia oan i hau sei foti hau nia oan hodi hakiak i hau bele taka nia (Lusia) nia moe, maibe ikus mai nia nega dehan labarik laos nia oan, tanba ne’e hau pronto atu hasai DNA,” hateten Luisa ba Jornalista sira iha HNGV, Horseik.

Rezultadu testu raan ne’e seidauk fo sai, tanba sei iha prosesu nia laran, Luisa dehan, sira nia raan ne’ebe hasai sei halo testu iha rai liur, tanba HNGV laiha makina testu DNA. “ohin ami mai testu DNA kona ba labarik nian, maibe realidade hau seiduak hare ho matan katak labarik ne’e nia aman Sr, Dionisio Babo mai hasai nia raan, tuir lolos ohin ran ne’e ami mai hasai hamutuk,” nia hateten.

Entertantu, Diretur Ezekutivu Laboratoriu nasional, Dr. Maria Santina de Jesus Gomes hateten, Dionisio babo ba hasai DNA iha fulan kotuk (Setembru). “Hau mos la lembra ona, maibe iha fulan kotuk se la sala loron (10/09) hanesan ne’e, nia dehan. Maski nune’e, Luisa senti tauk ba DNA ne’ebe hasai iha HNGV, tanba sei haruka ba rai liur (India), hodi halo testu ba raan ne’e.

“Ne’e iha Timor, hau tauk keta halo troka sala ou manipulasaun ruma iha laran, ne’e ita lahatene tanba hanesan ema boot bele halo buat hotu-hotu i hau mos hakarak hatene klaru tanba buat ne’e ita la hatene no hau hakarak realidade mak nia tenki fo duni ninia rasik,” Luisa dehan.

Relasiona ho preokupasuan ne’e, Diretor ezekutivu laboratorium nasional, Dr. Maria santina de Jesus Gomes konfesa HNGV laiha duni laboratorium atu halo testu DNA, maibe foti sampel husi Luisa, MECB no Dionisio hodi teste iha rai liur.

 “Laboratorium laiha fasilidade atu halo teste DNA, maibe ami foti sample hodi halo prosesu ba iha rai liur India hodi halo teste DNA ida ne’e,” nia hateten.

 Nia dehan, rezultadu ne’e sei mai fali iha Timor-Leste durante fulan ida, maibe sira sei haruka diretamente ba Tribunal hodi kontinua halo prosesu ba oin.

“Rezultadu sei fo sai mais ou menus fulan ida, maibe diretamente haruka ba Tribunal no ohin hasai DNA sira nain rua nian,” nia dehan. Jornal ne’e tenta konfirma ho Ministru Justica Dionisio Babo maibe la konsege tamba Ministru sei halao nia servisu iha Distritu Oecusse.

Relacionado:  "Ministru Justisa Baku Ninia Feen Tama Sala Urjensia"

"Kazu MJ Dioniso Babo ho Luisa da Costa rejistu ona iha Prokuradoria Jeral"

 “Babo La Kumpri Notifikasaun Tribunal” 

.