Kazu G-PM “TDD Adia Julgamentu”

.

Jornal Nacional Diario - Tersa-feira, 29 Outubru 2013 

Tribunal Distrital Dili (TDD), Sesta (26/10), adia tan julgamentu ba kazu abuzu de poder, korupsaun no pekulato ne’ebe komete husi arguida Flavia serreno hanesan eis Diretora Gabinete Primeiru Ministru (G-PM) ho arguidu Adriano Chuna nudar ofisial Financas iha G-PM. 

Tribunal foti desizaun adia julgamentu ne’e tanba testamunha nain 4 ne’ebe Ministeriu Publiku (MP) aprezenta la marka prezensa. Tuir ajenda iha loron ne’e, TDD atu rona testamunha hamutuk nain 10, kompostu husi nain 4 husi MP no nain 6 husi parte defeza, maibe testamunha husi parte defeza marka prezensa hotu no husi MP mak la marka prezensa, ho nune’e, Tribunal tenki hadia fali ba loron 15 Novembru 2013, tuku 09:00 OTL, no testamunha husi parte defeza Tribunal sei rona fali iha loron 25 Novembru 2013, tuku 14:00 otl. 

 Audensia julgamentu ne’e, lidera husi juis koletivu kompostu husi Juis Jose Maria de Araujo, Julio Gantes no Duarte Tilman. MP reprejenta husi Prokuradoria Gloria Alves no Arguidu nain rua hetan asistensia legal husi defensor Publiku Fernando de Carvalho no Zaime Leite. 

 Arguidu nain rua deskonfia partisipa iha prosesu lubuk ida mak hanesan, koredor, rehabilitasaun kaza de banho, ekipamentus da informatika, rehabilitasaun edifisiu gabinete PN, Natal konjunta no mos Bolsa de estudu. Jornal Nacional Diario Tersa-feira, 29 Outubru 2013 Falsifika Sim, “Tribunal Aplika Pena Multa Ho Suspensaun” Tribunal Distrital Dili (TDD), Sesta (25/10), aplika pena multa no pena suspensaun ba arguidu nain lima, ne’ebe halo falsifikasaun dokumentus hodi halo karta kondusaun falsu (SIM/Surat Ijin Mengemudi) lori kareta. 

 Arguidu nain lima ne’e mak Manuel Marcal, Apolinariu Nunes, Felis Maia dos Santos, Virgilio Marques ho Abrao dos Santos. Liu husi leitura sentensa ne’ebe le’e sai husi juis Antoninho Goncalves katak, Tribunal aplika pena multa no suspensaun ba arguidu nain lima, tanba faktus aprovadu duni arguidu sira laiha karta kondusaun. 

Tuir Tribunal husi arguidu nain lima ne’e arguidu nain rua Manuel no Apolinariu mak faktus aprovadu katak, sira nain rua komete krime rua mak hanesan, falsifikasaun dokumentus no krime la iha karta kondusaun. Ba arguidu nain tolu seluk hanesan, Abrao, Felis no Virgilio komete krime ida mak laiha koarta kondusaun. 

 Tribunal aplika pena multa U$ 120,00 ba arguidu Manuel no Apolinario, hodi selu US 1/fulan to’o fulan 6. Ba arguidu nain tolu seluk selu multa durante loron 90, ne’ebe kada fulan selu U$ 100 hodi komete to’o loron 90 ho montante U$ 90.00. 

Ba arguidu nain lima ne’e, tribunal aplika pena suspensaun sei la lori kareta durante fulan 6, audensia julgamentu ne’e prezidi husi juis koletivu kompostu husi, Juis Antoninho Gonsalves, MP reprejenta prokuradoria Lidia no arguidu nain lima hetan aistensia legal husi defensor publiku Joao Zito no Clarimundo Valente. 

.