“Fundasaun MAHEIN Konsidera OJE Sa’e Maka’as, Kiak Aumenta no Grupu Kriminozu Mos Kria Instabilidade”

.

Notisia Husi TVTL

Organizasaun Fundasaun Mahein konsidera instabilidade ne’ebe akontese iha rai laran tamba iha ona krime organizadu. 

Organizasaun ne’e husu ba PNTL atu identifika didiak grupu ne’e hodi kombate grupu organizadu. Liu husi koonferensia da imprensa prota vos fundasaun Mahien Joao Almeida hateten, tuir rejultadu fiskiza ne’ebe fundasaun MAHEIN hetan, Timor-Leste oras ne’e dadaun iha grupu deskoinesidu no grupu organizadu ho intensaun atu kria instabildiade iha pais ida ne’e. Grupu hirak ne’e mak hanesan, KIBATA alias ‘Kipas dulu baru tanya’, MONSTER ‘Moris ne’e tenki terus’, Dewa mabuk no MAGER ‘Manusia geger’. 

Grupu hirak ne’e nia aktividade maka hanesan, halo asaltu hodi naok ema nia sasan, asaltu hodi oho ema arbiru no halo violasaun sexual hasoru feto sira. Tuir fundasaun MAHEIN grupu organizadu ne’e mosu tanba orsamentu Jeral estadu anualmente aumenta ba beibeik, numeru kiak as no numeru dezempregu mos as ba beibeik. 

“Iha momentu ne’ebe situasaun Timor Leste inflasaun ekonomia sa’e maka’as iha momentu ne’ebe hanesan, osan fundu petroliu ne’ebe sa’e maka’as, orsamentu estadu ne’ebbe sa’e maka’as, iha situasaun ida ne’ebe kiak mos aumenta, dezempregu mos aumenta, entaun fasil mos krime orgaizadu sira influensia ita nia joven sira hodi envolve iha krime organizadu,” deklara Joao Almeida. 

Ho problema hirak ne’e, Fundasaun ne’e husu ba mInisteriu kompotennte atu halo investigasaun klean ba grupu hirak ne’e hodi kria hikas estabilidade iha rai laran. 

 Porta Vos mos rekomenda ba komando PNTL atu kontrola no komunika informasaun seguransa ba komunidade ho kredivel no atual hodi nune’e komunidade teritoriu labele paniku ho informasaun bosok ne’ebe serkula husi ibun ba ibun.

,