“Dili Primeiru Lugal Ba Kazu Krime”

.

Jornal Nacional Diario - Kinta-feira, 10 Outubru 2013

Estatistika husi komando Jeral Polisia Nasional Timor-Leste (PNTL), Departementu Servisu investigasaun Kriminal, iha tinan 2013 ne’e hahu husi fulan Janeiru to’o Setembru rejistu kazu krime hamutuk 2.323, husi numeru ne’ebe mensiona, capital Dili tama iha nueru ida (Primeiru lugar-red)ho total 800 kazus krime.

 Komandante interinu, servisu Investigasaun Kriminal Nasional (SIKN), Inspektor Xefi Manuel Alves, hateten, husi total kazu ne’e Distrito Dili maka’as liu tammba Dili sai hanesan ida ne’ebe ema hotu konsentra hamutuk.

“Kazu sira ne’e capital Dili maka numeru sa’e a’as liu, tanba ita hatene katak capital nasaun nian ne’ebe ema hotu konsentra ba,” hateten Komandante Interinu SIKN ne’e ba Jornalista sira iha Kuartel Jeral PNTL, Kaikoli, Dili, Kuarta (09/10).

Total kazu rezistu iha capital Dili hamutuk 800, Oecusse 267, Baucau 220,Ermera 174, Viqueque 166, Luquisa 149, Bobonaro 133, Covalima 116, Aileu 76, Lautem 72, Ainnaro 71, Manatuto 47 ho Manufahi 33. Husi kazu sira ne’e kazu ofensas integridade fisika maka’as liu ho total numeru 976, maus tratus ba konjuje hamutuk 600, futrtu simples 173, Danu 156 ho ameasa 93.

Tipu kazu ne’ebe mak rejistu iha SIKN kompostu husi kazu abuju de poder, peska illegal, abuzu konfiansa, Suicidiu, abuzu seksual ba menor idade, abuzu seksual ho adolexente, ameasa, Burla, Danu, explorasaun ba jogu ilisitu, expozisaun ka abandona, armas proibidu, falsifikasaun ba dokumentus ka notasaun teknika, fraude seksual, furtu agravadu, furtu simples, hasoru ambiente, hasoru flora no fauna, infantisidio, Insendiu, konra bandu, korupsaun maus tratus ba konjuje, ofensas ba integridade fiscal simples, droga, homesidu, raptu, roubu, torturasaun, trafikku ema no violensia.

.