PNTL Kaer Hotu Ona Suspeitu Kazu Oho Malu “KIBATA Kaer Iha Metinaro”

.

Jornal Nacional Diario - Sesta-feira, 27 Setembru 2013 

Kazu omesidu ne’ebe akontese iha Marconi nebe suspeitu hoo insisial JB alias KIBATA (KIpas dulu baru tanya), nebe sai buronan ne’e, Polisia Nasional Timor Leste (PNTL) ho Polisia Militar (PM) iha kointa (26/9) kuaze tuku 15:00 lokraik kaptura iha area sub Distritu Metinaro, Distritu Dili. 

Ho kapturasaun ba KIBATA, PNTL ho kooperasaun (PM) kaptura hotu ona ema nain lima nebe sai suspeitu kazu sona ema nain tolu tuituir malu iha kampong Alor, Marconi no Fatuhada nebe rezulta ema ida mate, iha tersa feira kalan liu ba. 

 Tuir fontes konfirmadu sira iha komandu PNTL Distrito Dili katak, iha tuku 3 lokraik mak sira hamutuk ho PM kaer suspeitu ne’e, suspeitu refere subar iha ninia kolega sira nia uma, tuir informasaun katak, suspeitu involve iha organizasaun arte marsiais Persaudaraan Setia Hati Terate (PSHT) nebe nia halai husi capital Dili ba subar iha ninia kolega siira nia uma Metinaru. 

Komandante Polisia Distrito Dili, Superentendente Xefi, Pedro Belo liu husi via telephone hateten katak, sira kaer duni ona suspeitu KIBATA agora dadaun detein hela iha sela Polisia Distritu Dili.

,