“PN Laiha Konesementu Ba Moeda 100 Centavos”

.

Jornal Nacional Diario - Tersa-feira, 24 Setembru 2013 

Maske Prezidenti Republika, Taur Matan Ruak halo ona lansamentu moeda 100 Centavos iha loron 13 Fulan Setemmbru liu ba maibe Parlamentu Nasional rasik to’o ohin loron ne’e laiha konesementu ba moeda foun ne’e. 

Moeda 100 Centavos nebe banku Central Timor-Leste hasai ne’e valor hanesan mos U$1 tahan ne’e serkula ona iha komunidade nia let hodi halao transaksaun iha rai laran. Tuir deputadu Manuel castro husi Bancada FRETILIN katak, moeda osan 100 centavos ne’e keta aproova tiha ona iha governu anterior, mak ohin loron governu ida ne’e lansa deit, tanba Parlamentu Nasional laiha konesementu koona ba moeda foun ne’e. 

 “Ate agora tinan ida tiha ona, maibe ami seidauk aprova kona ba moeda osan 100 centavos ne’e, maibe derepenti deit parlamentu rona katak, osan 100 centavos ne’e espalha ona iha rai laran,” dehan Manuel Castro ba JNDiario Segunda (23/9) iha Parlamentu Nasional. 

 PN seidauk debate dala ida kona ba moeda 100 Centavos ne’e, maibe derepenti deit Parlamentu rona katak, osan 100 centavos ne’e esplha ona iha rai laran. Iha fatiin hanesan, Prezidente Komisaun C, Virgilio Marcal mos hateten katak, moeda 100 centavos ne’e, lansa tiha ona husi xefe Estado rasik, Goovernu no Parlamentu Nasional iha fulan Setembru ne’e iha banku Central. 

 “So mente ami hare ne’e, parese falta de deseminasaun ba ita nia povu, tanba ita nia povu ne’e presiza informasaun katakk, ita nia osan rasik ne’e mak ne’e,” katak Virgilio Marcal.

.