“Intelejensia TL Forte, Fasil Kaer Kriminozu”

.

Jornal Independente - Sesta-feira, 27 Setembru 2013

Polisia Nasional Timor Leste (PNTL) kaptura suspeitu balun ne’ebe envolve iha kazu omisidu, tersa (24/9) foin lalais ne’e, tanba intelejensia Timor Leste nian forte tebes.

Sekretariu estadu Seguransa (SES), Francisco Guterres husu ba publiku atu labele paniku, tanba iha intelejensia siira ne’ebe sei bele rejolve problema ne’e.

“Foin lalais asidenti ne’e la liu oras deit, ita kaer ona suspeitu sira ballun, ida ne’e hatudu katak intelejensia lao hela,” tenik nia, iha Otel Ramelau, Dili (26/9).

SES rasik to’o oras ne’e seidauk hatene motive husi akontesementu ne’e, maibe ne’e krime, problema ne’e mosu tanba joven sira ne’ebe envolve hemu lanu.

Tuir nia, intelejensia Timor nia ne’e lais tebes, tanba maske suspeitu sira sona ema no komunidade hotu-hotu la hatene, maibe intelejensa deteta hetan ona suspeitu siira ne’e.

Nia mos dehan, intelejensiia Timor nia ne’e forte tebes, se karik intelejensia fraku maka suspeitu sira ne’e la konsege kapturra iha momentu ne’eba.

Nia dehan, komandante jeral PNTL mos hasai ona orden atu publiku sira labele halo movimentu barak iha oras tuku sia (09:00) kalan ba leten, tanba oras ne’e dadaun Polisia sei buka tuir suspeitu ne’ebe mak sei lao livre hela.

,