Tinan Ida Governu Bloku Koligasaun “PM Xanana Rekonese Servisu Governante Sabraut”

.

Jornal Nacional Diario - Segunda-feira, 05 Agusto 2013 Kinta (8/8) 

Bloku Koligasaun Partido tolu, CNRT, PD no Frenti-Mudansa kompleta tinan ida governu iha Kintu Governu Konstitusioanl ne’e. 

Durante tinan ida Governasaun ne’e, Primeiru Ministru Kay Rala Xanana Gusmao fo avaliasaun ba servisu membru Governu sira ne’e no mos rekonese katak, membru Governu sira serviu la fo satisfasaun, maske membru Governu halo buat barak lao maibe sabraut no balun seidauk lao. 

“Ema hotu hatene hau nunka satisfeitu, dala ruma ema balun bolu hau dehan katak, derepente deit atu buat ne’e diak hotu, ne’e hau nia karakter maka ida ne’e, nunka satisfeitu,” dehan xefe Governu ba jornalista sira iha Palacio Prezidensial Aitarak Laran,Dili, Sesta (2/8). Xefi Governu ne’e hatutan, maske membru governu sira halo diak to’o iha nebe, maibe nuudar Xefi Governu nia sei hakilar membru Governu sira nafatin. 

“Ema dehan haiiii dehan katak halia to’o iha 50 porsentu maka to’o 100, sei hakilar nafatin, sim tanba seidauk to’o 100, ne’e hau karakter rasik, bele diak to’o iha ne’ebe mos hau nunka satisfeitu,” dehan Xanana. 

Relasiona ho tinan ida formasaun V Governu konstitusional, Governu sei halo retiru durante loron tolu hahu husi dia 9 to’o 11 fulan ida ne’e hodi koalia kona-ba servisu ne’ebe Governu halo ona, saida mak seidauk halo no servisu saida mak presiza hadiak. 

“Dia 7 um ano de quinto Governu Konstitusional, ne’ebe um ano, 9, 11 ami sei iha retiru, iha retiru atu haree ba saida mak ami halo ona, difikuldades, obstaklus no saida mak ami tenki hadiak para bele hatan dezempenhu diak liu iha tinan mai ne’e,” dehan Xanana. 

Xefi Governu ne’e hatutan tan katak, durante enkontru ho sefi estadu informa mos ba xefi estadu kona-ba aktividades ne’ebe mak membru governu sira sei halo mak durante loron tolu, hahu husi dia 5 to’o 7, membru Governu sei fahe grupu tolu para tuir formasaun kona-ba sistema. 

“Ami mos informa ba Prezidente katak, membru Governu hotu-hotu sei ba simu formasaun iha finansas kona-ba sistema tanba problema ida ne’e maka halo ami ulun fatuk moras ba malu, ita la kumpriende sistema buat sira ne’e hotu, neebe tres grupos sira sei ba finansas atu simu ida ne’e,” dehan xefi Governu. 

 Durante enkontru ne’e Xefi Governu informa mos kona ba reuniaun extra-ordinaria kona-ba ‘public Plan Partenership’ (P3), no GOvernu aprova tiha ona planu ne’e no sei hahu hala’o planu ne’e iha tinan oin. 

“Informa ba Prezidenti kona-ba produtiva, ami halo reuniaun estra-ordinariu ida kona-ba ‘public plan Partnership’ (P3), ami aprova tiha ona lanu ne’e, ami dehan presiza duni konsidera, ne’ebe ninia prazu karik to’o ‘fim do ano’ nee mak ninia kalendariu ne’e ami tuir to’o 2014 ita bele halo ona buat lobuk ida,” dehan PM Xanana. 

.