Jornal Independente - Segunda-feira, 12 Agusto 2013
Prezidente Republika Taur Matan Ruak hala’o vizita ba suku Fatuk
Makerek, Sub Distritu Turiskai, Distritu manufahi, hodi haree besik
liu kondisaun moris komunidade nian, iha vizita ne’e PR Taur tenke lao
ain kuaze Kilometru 10 hodi bele to’o iha fatin ne’e.
Suku fatuk Makerek hanesan suku ida ne’ebe mak izoladu no la hetan
asesu transporte tanba kondisaun estrada ne’ebe lafavoravel.
Hafoin partisipa serimonia Idul Fitri ho komunidade Muslumanu
Timor-Leste iha Majid Annur-Dili, PR Taur ho ninia ekipa aranka kedan
ba Turiskai.
Hafoin to’o iha Turiskai, PR Taur ho ninia ekipa tenke lao ain kuaze
Kilometru 10 ba Suku fatuk makerek.
Durante iha Suku ne’e, PR Taur hato’o ninia diskursu no hala’o mos
diskusaun ho komunidade hodi rona dufikuldades ne’ebe komunidade sira
enfrenta.
Komunidade sira kontenti ho Prezensa PR Taur Matan Ruak, tan ne’e
hanesan vizita dahuluk husi ukun nain sira dezde restaurasaun
independensia 2002.
Foto; Presidência da República - Facebook
.
Sem comentários:
Enviar um comentário
Nota: só um membro deste blogue pode publicar um comentário.