“MP Investiga Hela Kazu Joao Cancio”

.

Jornal Nacional Diario - Segunda-feira, 05 Agusto 2013 

Ministeriu Publiku (MP), oras ne’e, halo hela investigasaun profunda ba kazu eis Ministru edukasaun Joao Cancio Freitas, Phd. 

Prokurador Geral Republika (PGR), Jose Ximenes, foin lalais ne’e, iha centro Formacao Juridico, Caicoli, Dili, reafirma katak, MP seidauk halo arkiva ba kazu eis ME Joao Cancio Freitas, Phd, nian no parte MP mos seidauk halo akuzasaun tanba investigasaun sei lao hela. 

“Kazu ba eis ME Joao Cancio Freitas nian seidauk arkiva no seidauk iha akuzasaun, tanba investigasaun sei la’o hela,” hateten PGR Jose Ximenes. 

Jose Ximenes dehan katak, prosesu ne’e sei iha investigasaun nia laran tanba ne’e nia labele koalia detahlu liu, importante mak parte MP sei halo esforsu maka’as hodi investiga kazu ne’e to’o hetan nia rezultadu no submete ba Tribunal. 

 Antes ne’e, eis Ministru Edukasaun, Joao Cancio Freitas, Phd, halo ona investigasaun ba dala rua iha Komisaun Anti Korupsaun (KAK), hodi hetan ba alegasaun kazu harii Televizaun Edukasaun nian IV Governu Konstitusional, ne’ebe nia orsamentu aprova ona maibe servisu fiziku (implementasaun) sei zero. 

.