Jornal Independente - Segunda-feira, 05 Agusto 2013
Ministru Turizmu no Arte Kultura (MTAK) koko atu ‘hamaus’ publiku
ninia hanoin liu husi konsultasaun, maibe sosieade sivil sira firme
nafatin hodi kontra programa Miss Timor-Leste 2013 ne’e.
Ministeriu Turizmu, sabadu (3/8), halo konsultasuan publiku kona ba
implementasaun Programa Miss TL ne’e, maibe organizasaun feto 24 mak
hamaon aan iha rede feto hamutuk ho komisaun Anti Miss Timor-Leste
kompostu husi organizasaun 14 ne’ebe lidera husi FOKUPERS no
organizasaun Patria foti nafatin pozisaun kontra ba programa ne’e.
Tuir komunikadu imprensa ne’ebe diariu ne’e hetan asesu hateten,
Sekretariu Estady Kultura (SEK) loke konsultasuan ne’e hodi hateten,
iha reasaun barak kontra programa ne’e no iha parte balun mos apoiu
programa ne’e.
Tanba ne’e, Ministeriu Turizmu hakarak rona parte rua atu bele buka
mekanizmu hodi realzia Miss Timor, maski nune’e, konsultasaun grupo
pro Miss Timor-Leste la marka prezensa, komisaun organizadora
Programa Miss Timor-Leste deit mak hola parte iha serimonia ne’e.
Iha sorumutu ne’e rede feto dala ida tanafirma ninia pfozisaun nafatin
kontra programa Miss Timor-Leste tanba, lareflete politika liberta
povu husi kiak no mukit, programa Miss Timor-leste la’os programa
saudavel nein sustentavel ba joven feto, muintu menus hasai povu husi
kiak no mukit.
Programa Miss Timor-leste seidauk prioridade, presiza no tenke hadia
uluk kondisaun no infraestrutura baziku hanesan saneamentu publiku,
ijiene, ambiente, no Estrada, nune’e mos infraestrutura baziku ba
eskola ho saude, tamba seidauk to’o tempu hodi realiza Miss
Timor-Leste.
Iha parte seluk, Portavos Komisaun Anti Miss Timor-Leste hateten
katak, kontra nafatin Programa Miss Timor-Leste ho razaun katak,
alokasaun orsamentu ne’ebe boot ba programa Miss Timor, ninia
benefisiu ba ema ida ou grupu balun deit,’ dehan nia.
.
Sem comentários:
Enviar um comentário
Nota: só um membro deste blogue pode publicar um comentário.