Maijen Lere: ONG Lalika Tau Kanuru Tohar Ba F-FDTL: “2014, Sei Rekruta Tan Membru 500”

.

Jornal Nacional Diario - Segunda-feira, 05 Agusto 2013 

Xefi Esttado das FALINTIL-Forca Defesa Timor-Leste (F-FDTL), Maijor Jeneral (Maijen), Lere Anan Timur, husu ba Organizasaun Nao Govermental (ONG) sira atu labele tau kanuru tohar ba serviu instituisaun F-FDTL tanba ONG la hatene servisu militar nian. 

 “Ita Timor ne’e demokratiku demais, ONG mos hatama nia kanuru tohar ba vida military ne’e laiha, komandante ida deit, hau mak komandante, hau nunka hatama kanuru tohar ba ONG ninian, ONG hakarak hatama kanuru tohar ba instituisaun militar que nia la kumpriende, la kumpriente koalia arbiru deit,” dehan Maijen Lere ba , sira iha Palacio Prezidensial Aitarak laran, Dili, foin lalais ne’e hafoin hasoru malu ho PR Taur Matan Ruak. 

Xefe Estadu Maior ne’e hateten tan katak, iha sosieade sivil balun maka kestiaona kona ba komponente naval nia serviso, tanba ne’e nia husu atu labele provoka military, “Hau rona dala ida nia kritika komponente naval ninian, NGO naran saida Mahein be’e be o hatene saida? 

Primeiru o tenke hatene planu estratejiku military nian depois mak koalia, o la dumina asuntu o hakarak koalia arbiru deit, ida ne’e so para provoka ema military maibe hau hatene domuna hau nia an,” Maijen Lere Afirma. 

 Tanba ne’e maka, nia husu ba sosieade sivil sira labele kritika militar se wainhira lahatene milita nia servisu no la dumina asuntu military nian, la dumina material maibe hakarak intervein to’o iha military nian. 

 Entertantu, foin lalais ne’e, Sekretariu Estadu Defesa, Julio Thomas Pinto, husu ba NGO Fundasaun Mahein atu halo peskiza klean antes fo sai informasaun ruma ba publiku relasiona ho servisu instituisaun nian. 

Kona ba military obrigatoriu nian to’o oras ne’e parte F-FDTL seidauk koalia kona ba ida ne’e, no karik sei implemneta presiza tenke kria kondisaun atu nune’e tenki fo vantazen ba joven sira. Nia hatutan, oras ne’e dadauk F-FDTL iha ona planu atu iha tinan oin 2014, F-FDTL sei rekruta tan membru amutuk atus lima (500). 

“Militar obrigatoriu ne’e sei koalia hela mais ne’e seidaek, maibe iha tinan oin ita sei rekruta tan atus lima, ne’e laos obrigatoriu maibe ne’e voontariu ka kontratadu,” dehan nia. 

Nia hatutan, military obrigatoriu ne’e implementa wainhira kondisoens iha ona maibe ba tempu agora seidauk iha hanoin F-FDTL atu kria lanu ida ne’e. 

.