“Lere Simu Lista Membru GAM”

,

Jornal Nacional Diario - Segunda-feira, 26 Agusto 2013

Xefi Estadu Maior Jeneral FALINTIL-Forsa Defesa Timor-Leste (F-FDTL), Lere Anan Timur, simu tiha ona lista husi komponente sira hotu kona-ba membru F-FDTL ne’ebe involve iha grupu Arte Marsiais (GAM).

 “Kona ba ida ne’e (F-FDTL envolve GAM) hau simu tiha ona lista maibe seidauk kompletu, maibe semana oin mai ami haree ona ida ne’e atu nune’e it abele halo serimonia formal ida hodi hatudu ba publiku katak, sira sai tiha ona husi organizasaun ne’e,” informa Lere ba Jornalista sira iha Jardim Herois Metinaru, Sesta (23/8).

Hafoin lista sira ne’e iha hotu nia liman mak nia sei halo serimonia formal hodi entrega hotu sasan aretmarsiais nian ne’ebe durante ne’e sira iha ba publiku ho razuan katak, sira la envolve tan ona iha aktividade refere, no se servi de’it ba instituisaun F-FDTL.

 Bainhira husu kona ba total ema hira mak sei deklara ba publiku atu husi GAM, Lere hateten, mais ou menus iha 100 resin mak involve iha artemarsias sira. Liu husi oportunidade ne’e, nia hateten mos katak, oras ne’e situasaun seguransa iha rai laran la’o normal.

 “Situasaun rai laran la’o diak hela tanba Timor la’os hanesan nasaun sira seluk ne’ebe bot, Timor klot ne’ebe ita hatene hela hanesan kilat tarutu iha maliana, Dili la hakmatek ona maibe kuandu tarutu iha Dili, foho ne’eba hakmatek,” dehan Lere.

.