"Komunidade sira senti orgullu no balu no la espera katak ukun na'in nasaun nian liu-liu Xefe Estadu bele liu iha sira nia suku"

.

Foto de , Evaristo Carceres - Presidência da República- Facebook
.

Presidência da República de Timor-Leste - Caetano da Costa Freitas

Same, 17 Agostu 2013 – S.E.Prezidente Repúblika Taur Matan Ruak, ho nia kometiva sesta-feira lokraik ne’e, kuaze 17h40 otl to’o ona iha sub-distritu Same Villa hafoin la’o ain durante loron rua nia laran hosi loron Sesta feira to’o Sabado ne’e.

Xefe Estadu la’o ain hahu hosi suku Aitimua ba suku Mindelu sub-distritu Turscai nian no kontinua ba suku Tutuluro, sub-distritu Same nian ho distansia kolimetru 40 resin.

Xefe Estadu ho nia kometiva sai husi suku Beremana iha Sesta dader (Turiscai) ho kareta ba tun iha suku Aitimua (Turiscai) hodi hahuu lao ain hosi tuku 9h00 otl, to’o iha uma veteranu kasian iha aldeia Furaklau (Aitimua) tuku 13h40 otl. Hafoin han meudia Xefe Estadu kontinua ba haree nia subar fatin iha aledia refere. 

Remata haree nia subar fatin, Xefe Estadu kontinua la’o ain ba iha suku Mindelu (Turiscai), to’o tuku 16h20 otl hodi kontinu kedas dialogu ho komunidade, i deskansa kalan iha suku refere.

Iha Sabado dader ne’e Xefe Estadu ho kometiva kontinua la’o ain ba fali suku Tutuluro sub-distritu Same Villa mak foin sa’e kareta ba iha sub-distriutu same Villa.

Observasaun

Durante la’o ain, maske sa'e foho tun foho maibe Xefe Estadu iha energia maka's nafatin la kolen hodi hola oportunidade hodi hasoru malu ho komunidade iha area sira ne’ebé Xefe Estadu liu no dada lia ho komunidade sira, husu komunidade nia kondisaun moris no observa prozetu sira ne’ebe kompana sira halo la iha kualidade.

Fatin sira ne'ebe Xefe estadu liu la iha assesu ba estrada, bee moos, no eletrisidade. Komunidade sira senti orgullu no balu no la epsera katak ukun na'in nasaun nian liu-liu Xefe Estadu bele liu iha sira nia suku.

Nota: VIVA TAUR MATAN RUAK!!! 

.