Jornal Nacional Diario - Tersa-feira, 06 Agusto 2013
Policia Irlandia identifika ona Timor oan neebe mak mate iha Irlandia
hafoin hetan sona, ne’ebe deskonfia sona no oho husi maluk Timor oan
rasik ne’ebe hala’o mos servisu iha nasaun refere.
Timor oan ne’ebe mate iha Irlandia ne’e Policia Nasaun ne’eba
identifika katak, ema ne’e sidadaun Timor-Leste duni ho naran, Luis
Nazario Ximenes ho tinan 36 no hela iha Dungannon, Irlandia.
Tuir informasaun ne’ebe mak Jornal Nacional Diario aksesu iha loron
Segunda (5/8) katak, Timor oan ne’e Policia identifika ona no Timor
oan ida ne’ebe diskonfia hanesan suspeitu oras ne’e dadauk sei detein
hela iha sela hodi hein rosesu tuir mai.
Timor oan ida ne’ebe mak deskonfia oho Luis nazario Ximenes ho idade
tinan 34 no oras ne’e dadauk sei iha prosesu investigasaun tanba ne’e
sei detein hela iha sela, maibe Policia la fo sai nia identidade.
Luis Nazario Ximenes hetan sona iha uma Woodvale Parque nian iha kinta
feira semana kotuk iha Irlandia.
Oras ne’e dadauk mate isin sei rai hela iha Irlandia no sei hein
prosesu lori isin mai Timor Leste.
.
Sem comentários:
Enviar um comentário
Nota: só um membro deste blogue pode publicar um comentário.