Australia seidauk hatudu vontade diak

.

Radio Liberdade - Kwarta, 14 Agustu 2013 - Hakerek nain sumario jornal STL Radio online fonte STL

Governu Australia durante ne’e seidauk hatudu vontade diak iha negosiasaun dada pipe line greater sunrice mai Timor-Leste.

Maske iha mundu atual ho teknolojia ne’ebe aas, dada mina ba iha fatin ne’ebe deit laos problema. “Ita hare negosiasaun dada pipe line greater sunrice, koko halo mangame hela deit ho buat tun sae deit, ita la konsege hetan solusaun,”hatete Vise Diretur Luta Hamutuk Joazito Viana, ba STL iha Farol-Dili, Sigunda (12/8).

Negosiasaun dada pipe line greater sunrice, tuir Viana , agora estagna hela, tanba TL-Australia iha pozisaun atu dada malu ba tribunal arbitrazen Intenasional.

Vise Diretur LH ne’e hatete, kestaun dada pipeline, tenknikamente iha mundu atual ho teknolojia ne’ebe aas, dada mina ba iha fatin ne’ebe deit laos problema.

Tanba tuir estudu tekniku sira iha posivel bele dala mai Timor. Durante ne’e Australia laiha pozisaun ida klaru iha negosiasaun. Australia so hatoo deit sira nia opsaun rua iha esplorasaun mina greater sunrice, namlele ka dada ba Australia.

Luta Hamutuk husu ba governu atu forma ekipa negosiasaun ida hodi halo negosiasaun. Ekipa ne’e presiza envolve peritus ka matenek Timor oan balu hanesan uluk halo ba Bayu Undan nian.

 Vise Prezidenti Parlamentu Nasional, Aderito Hugo da Costa, hatete iha Brazil, maske tasi klean 300 mil, maibe ho teknolojia avansadu bele lori mai rai maran.

Ne’ebe liga ba Greater sunrice iha posibilidade bo’ot bele dada mai Timor-Leste.

,