Projeitu Estrada Liquica, “Odete ho Inacio Haksesuk Malu”

.

Jornal Nacional Diario - Segunda-feira, 08 Julho 2013 

Eis Ministra Obras Publiku (MOP), iha tempu Governu FRETILIN, Odete Genoveva Victor, Sesta (5/7), “haksesuk malu” ho membru Parlamentu Nasional Inacio Moreira, tanba de’it la augenta ho kritika ne’ebe Deputadu Inacio diriji ba servisu projeitu estrada R1 husi Liquica ba Maubara. 

Eis MOP atual manager ba Kompanha Internasional Filipina Interior Junior Construction, ne’ebe ejekuta projeitu ne’e, senti “isin besi ran manas” hasoru Deputadu Inacio Moreira, tanba iha fiskalizasaun Komisaun E-PN asuntus Infra-estrutura, Transporte no Komunikasaun ba Projeitu estrada R1 (Liquica-Maubara), Deputadu Inacio obriga (ngotot) tenke ke’e sai alkatraun ne’ebe fui tiha ona ne’e, atu bele haree lolos alkatraun nia mahar ho tan ninia base cource (fundasaun). 

Projeitu Konstrusaun estrada R1 (Liquica-Maubara) ne’e ejekuta husi kompania internasional Filipina Interior Junior Construction, ne’ebe mak eis Ministra MOP Odete Genoveva Victor sai nudar manajer ba kompania ne’e rasik. Projeitu ne’e doasaun husi ADB (Asean Development Bank) ho valor miloens 46 USD hodi halo konstrusaun ba estrada ho pakote R1 husi Liquica-Maubara no pakote R2 maubara to’o Loes. Iha Ministru Obras Publiku (MOP). 

Gastao de Sousa ho Prezidenti Komisaun E, Pedro Martires da Costa, inklui konvidadus seluk nia oin, Deputadu Inacio Moreira, ‘obriga’ tenke ke’e fali estrada ne’e atu hatene lolos nia valor alkatraun nian ho nia base cource. 

La hanoin barak, Eis Ministra MOP nudar mos ema tekniku ida, konkorda hodi haruka ninia teknikusira ke’e kedas alkatraun ne’e hodi haree alkatraun nia mahar ho base cource. Ke’e tiha alkatraun ne’e nia rohan balun, Inacio Moreira, foti riba ba fatuk hodi koko alkatraun nia forsa, maibe, alkatraun ne’e la tohik no rahun. 

La liu minutu balun, Deputadu Inacio Moreira, bolu nia sofer hodi foti alkatraun ne’e ba tau iha kareta laran atu lori ba teste iha laboratorium nasional. 

Deputadu Inacio Moreira lia tun ba tekniku kompanha nian katak, tuir dezenhu tenki kahor rai ho sumenti, nune’e estrada nia base cource bele forte no metin liu tan. 

 La kleur Odete Genoveva Vitor simu kedas deputadu nia lia fuan hodi esklarese katak, buat ne’ebe sora halo ne’e tuir duni espesifikasaun teknika ninian. 

“Ami bele fob a ita boot sira livru mean (buku merah) ne’ebe mak ami kaer hodi halo servisu, material ho campuran hotu ne’ebe ami uza iha projeitu ne’e teste hotu tiha laboratorium,” afirma Odete. 

Rona tiha lia hirak ne’e, Deputadu Inacio Moreira, saran dehan, ba nia la iha problema, se buat hotu iha ona aprovasaun husi laboratorium. 

“BUat ida mak hau komprende iha dezenhu ne’ebe ami rua deputadu Pedro Martires simu ne’e ‘agregation base cource’ ne’e signifika la iha rai, ida hanesan ne’e ema bolu dehan, ‘segregation’,” tenik Inacio hodi lia tuna dehan nia la kohi ona atu haksesuk malu. 

 Inacio Moreira dehan katak, preokupasaun ba nia mak estrada ne’e nia durasaun tenki to’o duni tinan 20 mai. 

Hata’an ba preokupasaun Inacio nian ne’e, Odete hateten, servisu tekniku hotu ne’ebe sira halo ne’e liu husi rekerimentu tekniku, se la nune’e, projeitu nain sei halo pagamentu. 

 “Campuran material ba projeitu ne’e la halo tuir tekniku sira nia hakarak no gusto, maibe, buat hotu tuir padraun tekniku,” Informa Odete. Iha fatin hanesan, Ministru Obras Publika (MOP) Gastao se Sousa, esklarese katak, nia lori tekniku sira ne’e mai halo fiskalizasaun no inspensaun atu hamutuk haree lala’ok servisu projeitu nian no bele halo kurizi ba buat ne’ebe la’o la los. 

“Hau aposta ba kualidade estrada, kuandu ita gasta osan barak, povu tenki ‘menikmati’,” hateten Ministru Gastao.

,