Okupantes Otel Resende - Eviksaun ho aproximasaun bárbaro

.

Timor Hau Nian Doben/ACK - 15 de julho de 2013

Ohin 14 Julho 2013, iha tuku 03:00 dadersan madrugada, Polisia Distrito Dili, halo eviksaun obrigatorio ba okupante sira iha Otel Resende Dili. Eviksaun ho makina pezado no forsa Polisia Distrito Dili. 
.

Okupante sira ne’e, hela ona iha Otel Resende kuaze liu tinan 10, hamutuk liu 400 okupantes núdar estudante universitario ne’ebe mak mai husi distrito no hala’o dadaun estudo iha universidade sira iha Dili, capital nasaun RDTL.

Tuir fonte konfirmadu, hateten katak bainhira Polisia Distrito Dili hala’o eviksaun mosu konfrontasaun entre polisia no okupantes sira, nune’e konsege kaptura okupante hamutuk ema nain 7 ne’ebe detein agora dadaun hela ona iha Estasaun Polisia, Distrito Dili.

Eviksaun uza makina pezado, bulldozer hodi sobu okupante sira nia hela fatin, nune’e okupantes sira mos salva sasan balun ne’ebe mak bele uza hodi buka fatin seluk hodi hela.

Informasaun ne’ebe eskolha iha kampu, katak okupante sira lori hotu sira nia sasan mai iha estrada ninin (le’e Otel Resende nia oin) no sira lahatene atu ba los hela iha ne’ebe? Tanba durante negosiasaun ho Administrador Distrito Dili, seidauk hetan solusaun ba alternativa fatin ba okupante bainhira muda sira husi fatin refere.

Okupante Otel Resende hanesan Timor Oan ne’ebe kbi’it laek, mai husi distrito hodi escola, laiha uma iha Dili no agora laiha fatin atu hela agora. Ironia, bainhira povu ida ne’e tenki hasoru sofre, enkuantu ukun-nain goza uma luxu.

Dezenvolvimento nasaun ne’e ba los se?

Foto de, Lian Parlamentar Fretilin.

.