“MNEK Konsidera Estudante Iha Indonezia Hatun Imazen TL”

.

Jornal Independente - Segunda-feira, 08 Julho 2013 

Ministru Negosiu Estranjeiru no Kooperasaun (MNEK), Jose Luis Guterres, konsidera hahalok ne’ebe estudante Timor-oan balun halo iha Indonezia hatun imajen TL nian, tanba halo asaun violensia iha ema nia rain. 

“La’os hatun nia familia de’it, maibe hatu’un ita Timor Leste tomak, tamba ita hanesan iha rai ida de’it.” Tenik nia, iha Palasiu Governu, Sesta (5/7). 

Jose Luis dehan, kazu ne’e sei entrega ba Polisia Indonezia nian atu halo investigasaun, tanba, kazu artemarsiais durante ne’e sai preokupasaun estadu nian tomak, tanba dala barak halo estrundu iha rai laran. 

“Sei ita hanoin atu halo violensia entaun aban bain rua ita la fo kondisaun no seluk sei abixa beibeik ita,” tenik nia. 

Nia hatutan, asaun ne’ebe joven sira halo sei estraga Timor tomak, tanba ne’e nia husu ba familia tomak atu ajuda hodi eduka oan sira atu bele iha hanoin konstrutivu ba nasaun ne’e. 

 Maski nune’e, Jose Luis dehan, Joven barak mos iha komportamentu hanesan sira ne’ebe mak oras ne’e dadaun eskola no servisu iha nasaun sleuk.

.