Jornal Independente - Kinta-feira, 18 Julhu 2013
Organizasaun Naun Govermental (ONG) husu ba Primeiru Ministru Xanana
Gusmao atu remodela uluk Ministeriu Komersiu Industria no Ambiente
(MKIA), tanba konsidera servisu barak iha Ministeriu ne’e nia okos
estagnante hela.
Diretor Luta Hamutuk (LH), Mericio Akara hateten, planu servisu balun
ne’ebe governu anterior husik, importante atu kontinua nafatin maibe,
programa hirak ne’e parado hela, tanba Ministeriu laiha vontade diak
atu sai servidor povu.
“Iha remodelasaun ruma revee uluk mak MKIA, tanba sira la halo servisu
ho diak,” tenik nia iha nia knaar fatin, Farol, Dili, (17/7).
Tuir nia avaliasaun, servisu MKIA la lao maski iha Miniteriu ida, Vise
Ministru ida, no Sekretariu Estadu nain tolu, tanba ne’e, programa
ne’ebe uluk governu anterior planeia sai nuudar slogan deit.
“Frakeza ne’e husi Ministru hodi la konsege lidera nia Ministeriu ne’e
ho diak,” tenki Mericio.
Tuir Mericio, programa “Povu Kuda Governu Sosa” tenke iha
kontinuasaun, tanba politika diak hodi fo forsa ba povu sira atu kuda
protudu diak liu tan, tanba agrikultor sira hetan apoia material lubuk
ida husi MAP hodi hasae nia produsaun.
.
Sem comentários:
Enviar um comentário
Nota: só um membro deste blogue pode publicar um comentário.