Konstrusaun Ponte Comoro “Xanana Haruka KAK Estuda Dokumentus”

.

Jornal Nacional Diario - Segunda-feira, 08 Julho 2013 

Primeiru Ministru Kay Rala Xanana Gusmao sesta (05/7) horseik, hakat ba edifisiu Komisaun Anti Korupsaun (KAK), iha Farol, Dili, hodi entrega dokumentus implementasaun projeitu husi kompania, atu KAK bele estuda molok husu pergunta ba nia. 

Iha dokumentu ne’e relata kona ba projeitu sira ne’ebe, kona ba kama sira iha Hospital nian, Estrada Dili, Ponte KOmoro, inklui mos projeitu sira seluk ne’ebe implementa tiha ona. 

“KAK bolu hau mai iha loron 11 de Junu besik fulan ida ona, mash au haree ba katak, diak liu hau entrega dokumentus hotu-hotu, para husi dokumentus sira ne’e KAK estuda atu bele husu hau,” dehan PM xanana Gusmao iha edifisiu KAK, Farol, Dili, hafoin entrega dokumentus ne’e. Xefi do Governu ne’e haklaken, nia parte entrega dokumentus barak ba KAK, maibe barak liu mak dokumentu kona ba projeitu tolu ne’e. 

 “Dokumentu sira ne’e hodi premiti ba KAK atu iha ninia konesementu didiak kona ba prosesu sira ne’e hotu, tanba ema hotu hatene katak, lei konstrusaun estrada governu AMP mak haruka ba Parlamentu hodi aprova,” Xanana esplika. 

 Tuir Xanana, nia parte mai iha KAK hanesan meus ida atu ajuda KAK ninia dever. “Hau mai iha KAK entrega dokumentus, atu ajuda KAK ninia dever, KAK bolu hau atu mai responde ba perguntas balun, ne’ebe hau prefere lori dokumentasaun tomak, ne’ebe mak ohin ami halo auto de entrega ida, kona-ba prosesu kamas hospitais, kona ba prosesu estrada Dili, ho Ponte Comoro,” Xanana afirma. 

“Iha lei ne’ebe kria KAK, iha artigu 24 lei numeru 8 ne’e hateten katak, dever de kolaborasaun husi instituisoens estadu tomak, no iha artigu 25 hateten katak, deverese espesial de kolaborasaun husi entidades publikas,” tenik xanana. 

Xanana haktuir, maske nia (PM Xanana-red) hanesan Xei Governu, maibe nia mos hanesan netidade publiku ida, tanba artigu 5 kona ba lei ne’e iha aleinha L hateten katak, KAK bele halo ezames ba iha livrus ka dokumentus no prosesu. 

 “Ita boot sira mos hatete, foin dadauk hau ba Parlamentu atu koalia kona ba Camara de Contas, no buat sira ne’e hotu, ami diskuti, tanba ita tenki esplika ba malu saida mak akontese, saida mak ita nia rai sei presiza no saida mak ita nia rai preparadu ona ka seidauk,” Xanana koalia. 

 PM Xanana hameno ba KAK katak, depois KAK haree tiha dokumentus sira ne’e, hanesan Xefi Governu nia senti obrigadu, tuir lei numeru 2 artigu 25 tenki mai hodi simu pergunta husi KAK. Xanana haklaken, estadu TL foin mak harii no sei buka nafatin dalan atu hadia, tanba ne’e, hanesan xefi Governu la kohi atu impede prosesu sira ne’e. 

 “Tempu ne’e atu to’o bainhira mak sira bolu hau, haul abele manda sira agora depende hau hein deit, tanba lei dehan katak, hau tenke kolabora no obrigasaun,” Xanana esplika. 

Xefi Governu ne’e mos hetan asina husi Komisariu KAK Aderito de Jesus ba dokumentus ne’ebe nia (PM Xanana) entrega, no KAK mos hetan asina husi PM Xanana kona-ba dokumentus ne’ebe sira simu. 

.