Dom Basillio: “Susar Halakon Prostituisaun Iha TL”

.

Jornal Nacional Diario - Sesta-feira, 05 Julho 2013 

 Bispo Dioseze Baucau, Dom Basilio do nascimento haree katak, seksu komersial ka aktividade prostituisaun susar atu halakon iha Timor-Leste, tanba prostituisaun ne’e realsiona ho ekonomia ema ninian no aktividade ne’e moris desde ema moris iha mundu. 

“Buat hirak ne’e hotu iha relasaun ho ekonomia maibe buat ida prostituisaun ne’e laos ohin deit, prostituisaun ne’e emprega ida ne’ebe que ferik ho ita ema hanesan desde muda ne’e moris prostituisaun ne’e iha kedas ona,” dehan Dom Basilio ba jornalista sira iha palacio Prezidenti Aitarak laran, Dili, Kinta (4/7), hafoin enkontru ho duadores Espainola. 

Amo Bispo mos hatutan tan katak,” Oinsa mak ita nasaun ida, iha kultura ida monta sistema social hodi hatutan hirak ne’e dezafiu ida ba governu, dezafiu ida ba sosieade, prostituisaun n e’e sempre iha, buat a’at sira ne’e semre iha tamba ita ema ne’e sorin nakukun sorin naroman,” akresenta Dom Basilio. 

Dom Basilio esplika tan katak, maske Igreija katolika iha nia lia fuan, iha nia ukun fuan maibe Igreija Katolika husu liu ba konsensia ema ida-idak nian atu labele envolve iha aktividades hirak ne’e, tan Igreija bele hatene buat hotu-hotu no Governu mos bele halo lei didiak maibe ema laiha konsensia atu halo tuir lia fuan no lei hirak ne’e Igreija no Governu mos sei la halo buat ida. 

Tamba ne’e, aktividade prostituisaun ne’e ema hotu bele rezolve ho konsensia iha ida-idak nia anrasik, karik aktividades ne’ebe maka ema ida halo dehan sente katak a’at presiza husik, maibe halo nafatin entaun laiha moral ida mak bele prevene aktividade hirak ne’e. 

Aliende ne’e, Amo Bispo Dioseze Dili, Dom Basilio hateten, halo abortu ka oho labarik iha kabun laran, ne’e sala boot no kontra ukun fuan maromak nian. 

 “Oho labarik iha kabun laran ne’e sala, agora oin nusa mak it abele rezolve buat sira hanesan ne’e, balun dehan hanesan ne’e halo prezervativa ne’e mos uma kreda la hatan, halo planeamentu familiar ne’e uma kreda hata’an, maibe planeamentu familiar ne’e ho ulun ain laos planeamentu familiar ne’e la’os atu oho labarik iha inin nia isin,” dehan Dom Basilio. 

Antes ne’e, Secretariu Estado Promosaun Igualidade (SEPI), Idelta Maria Rodrigues hateten katak, aktividade prostituisaun ne’e estudante eskola Sekundaria sira involve an barak tebe-tebes. 

.