VPM La Sama Fuan Moras “HNGV Trasfere Bali”

.

Jornal Nacional Diario - Tersa-Feira, 04 Junho 2013

Ospital Nasional Guido valadares (HNGV) iha sabado semana kotuk trasfere kedan Vice Primeiru Ministru (VPM) Fernando La Sama de Araujo ba halo tratamentu iha Ospital Bali, tanba doutor espesialista HNGV la konsege detekta VPM La Sama nia moras.

Direktor HNGV Domingos da Silva inform alia hirak ne’e ba Jornalista sira iha nia servisu fatin HNGV, Bidau, Segunda (03/5).

Ulun boot HNGV ne’e dehan, tuir observasaun Doutor espesialista nebe durante loron rua (Kinta-Sesta) halao tratamentu ba kondisaun VPM, Fernando La Sama katak iha ejeminasaun kona ba parte fuan nebe balun labele detekta, tamba ne’e HNGV halo transferensia ba iha Bali atu nune’e bele detekta diak liu, nune’e bele halo tratamentu nebe diak liu tan.

Domingos da Silva mos espera katak, tratamentu ospital Bali bele detekta moras ne’ebe mak VPM Lasama infrenta dadaun, nune’e bele fila hikas mai Timor Leste iha tempo besik.

“Pasiente VPM La sama ami haruka ba iha Bali tamba mediku sira ne’ebe atende, hare katak ejeminasaun iha parte fuan ne’ebe balun labele detekta tanba ne’e ami haruka ba iha Bali atu nune’e bele detekta, ho diagnosa ne’ebe maka diak liu tan,” Domingos da Silva konta tuir.

 Objetivu seluk halo transferensia ba VPM La Sama bele halo mos general Cek-Up ba nia kondisaun saude hanesan rins. Tratamentu VPM La Sama iha Ospital Bali hetan akompaniamentu husi Doutor Artur Natalino Corte Real nudar Doutor espesialista HNGV.

Artur Natalino Corte Real nudar nia espesialista iha area internista, durante loron rua nia laran antes aranka ba Ospial Bali, Dr. Artur Corte Real mak halao atendementu ba VPM La sama iha HNGV.

 VPM La Sama baixa iha HNGV, loron Kinta (6/5) ho diagnosa moras fuan no rins.

Nota:  Oinsá la sona deit Sr. Lasama e depois haruka nia bá uma bá halo tratamentu, hanesan sira halo hó ita nia alin doben Etelvina Gama? Labarik feto mos fuan moras, maibé sira husik deit nia mate, la haruka bá rai liur ba halo tratamentu. Se Lasama mate...Pasiensia...Fó ninia isin mate deit bá nia família, bá sira kous durante oras tolu iha estrada ibun...FDP!!!   

.