Uza Osan U$2.100 Ba Interese Privadu “Staf BNCTL Ameasadu Kadeia Tinan 8”

,

Jornal Timor Post - Kuarta-Feira, 05 Junho 2013

Arguidu Salomao Soares Ximenes nuudar Ataf iha Banku Nasional Komersiu Timor Leste (BNCTL) sukursal Distritu Aileu hetan ameasadu kadeia tinan 2 to’o 8 kadeia tanba uza osan Banku BNCTL nian ho valor U$2.100 ba interese privadu.

Tuir akuzasaun husi Ministeriu Publiku katak, osan ho valor U$2.100 ne’e BNCTL sukursal Aileu hasai iha tinan 2007 ho intensaun atu fo kreditu ba povu kbiit laek sira ne’ebe hakarak buka moris liu husi vida negosiu.

Maibe arguidu hanesan staf iha banku refere maka hetan fiar hodi lori osan hirak ne’e ba fahe ba negosiante kiik sira ne’ebe naran tama iha lista kreditu ne’e.

 Realidade hatudu osan hirak ne’e arguidu la lori ba fahe kreditu nain sira, hodi hatama tiha ba bolsu no gasta ba ninia interese privadu, tan ne’e Ministeriu Publiku akuza arguidu komete krime burla agravadu tuir artigu ne’ebe previstu ona iha lei kodigu penal TL.

Entertnatu, liu husi elagsaun Ministeriu Publiku, liu husi Prokuradora Remigia Fatima husu ba tribunal atu aplika pena entre tinan 2to’o tinan 8 kadeia ba rguidu, tanba akuzasaun MP prova duni katak, arguidu komete krime burla agravadu hodi halakon osan banku nian ho valor U$2.100 durante tinan 6 ona arguidu nunka hanoin atu devolve hikas osan ne’ebe nia uza ona, mezmu prosesu refere tama ona iha Ministeriu Publiku.

Entertantu, Defeza Manuel Lito Expostu husu ba Tribunal atu aplika pena suspensaun no selu indeminizasaun ba osan ne’ebe arguidu uza ona, tanba se arguidu tama kadeia se mak buka osan atu selu devidas ne’ebe iha hela.

Hafoin rona alegasaun husi Ministeriu Publiku arguidu promete sei selu devidas ne’e durante fulan 8 nia laran, maibe karik iha fulan 8 ne’e la selu nia sei kumpri kualker desizaun husi Tribunal.

.