“Tula Autor Jogus Ilegal, Taxista Sai Suspeitu”

,

Jornal Nacional Diario - Kuarta-Feira, 12 Junho 2013 

Octavio Sarmento nudar taxista sai hanesan suspeitu, tanba tula autor jogus illegal, nune’e Polisia diskunfia Octavio involve iha aktividade refere. 

Octavio Sarmento Polisia lori ba iha parte Polisia investigasaun no sai suspeitu, maibe Octavio hanesan kundutor Taxi ne’ebe mak tula deit arguidu Domingos Pereira nudar pasajeirus. Liu husi audensia julgamentu, Segunda (10/6), Octavio deklara ba Tribunal katak iha loron 10 Dezembru 2010 tuku 10:00 Otl, arguidu para nia taxi iha area bebora ho plastiku metan ida, nia la hatene saida mak iha plastiku laran, maibe derepente iha dalan kalaran mak polisia hapara nia kartea hodi haruka nia tun hodi ba halo passa revista ba nia no mos nia taxi ne’e, maibe polisia sira la hetan buat ruma. 

Wainhira passa revista ba arguidu nuudar pasajeirus ne’e hetan plastiku metan ne’ebe iha laran nakonu ho osan no SDSB. Nia hetan osan no kupon ne’e bainhira Polisia passa revista hodi fakara sai ba liur mais nia lahatene montante orsamentu hira mak iha plastik laran no polisia halo mos investigasaun ba nia, maibe nia deklara ba Polisia katak nia so tula arguidu hanesan passajeirus laos envolve iha aktividade jogus ne’e. 

 Liu husi alegasaun MP reprejenta husi Procurador Oscar Tavares husu ba Tribunal atu aplika pena multa ba arguidu tanba aktividade ne’ebe arguidu komete laliu husi prosesu legal ne’ebe legaliza husi Governu, tanba ne’e Ministeriu Publiku husu Tribunal aplika pena multa ho valor U$150 ba arguidu atu evita labele komete tan. 

Defensor publiku Manuel Epxostu ne’ebe fo asistensia legal ba arguidu husu ba Tribunal atu aplika pena multa menus husi U$150 ba arguidu, tanba aktividade ne’ebe arguidu halo foin mak hahu no foin primeira ves laos beibeik ona. 

.