“TL Hili Inglatera Sai Arbitrazen Ba Kazu CMATS”

,

Jornal Independente - Segunda-Feira, 10 Junho 2013 

Governu Timor Leste hili ona Inglanera atu sai nuudar terseiru ba prosesu ba Tribunal Arbitrazen ba kazu akordu Certain Maritime Agrement Timor Sea (CMATS), ne’ebe atu rezolve iha tempu besik. 

Ministru Petroliu Rekursu Minarais, Alfredo Pires hateten, Timor Leste mos husu tiha ona advogadu ida husi inglatera hodi defende TL hasoru Australia iha Tribunal arbitrazen. 

 “Tuir prosesu arbitrazen hanesan hau dehan tiha ona, Timor-Leste nomea tiha ona nia advogadu, tuir prosesu Australia iha lron 60 atu nomeia sira nia dvogadu, prosesu arbitrazen ne’e, Timor Leste no Australia maka tenke deside hodi halao iha fatin ne’ebe,” dehan Alfredo ba INDEPENDENTE iha Aero-portu internasional, Nicolao Lobatu, Comoro, Dili, sesta semana kotuk. 

Besik fulan ida resin ona governu Australia seidauk responde karta notifikasaun arbitrazen husi Primeiru Ministru Xanana Gusmao nian. Alfredo hateten, to’o ohin loron Governu Australia seidauk fo resposta ba karta notifikasaun ne’ebe Primeiru Ministru kay Rala xanana Gusmao haruka ona ba Australia iha loron 23 Fulan abril foin lalais. 

“Karik to’o nia tempu mak Australia seidauk nomeia nia advogadu, nia prosesu internasional ne’e sei iha, hanesan foin lalais Chonocophilips lori ita ba arbitrazen Singapura mak ita la ba tuir ne’e ita lakon,” nia hateten. Falta fulan ida deit ona karta notifikasaun ne’ebe Governu Timor Leste haruka ba Australia atu remata ona. 

Nia hatutan, Governu TL mos deklara tiha ona katak, karik sei la konsege rezolve iha Tribunal arbitrazen, sei lori Australia ba Tribunal Internasional iha loron 23 fulan Abril 2014. Akordu CMATS entre Timor Leste ho Australia asina iha tempu Governasaun FRETILIN iha tinan 2005. 

Hafoin Governu FRETILIN remata, Governu Aliansa Maioria Parlamentar (AMP) ne’ebe lidera husi Pm xanana Gusmao hakarak sobu akordu tamba, tuir nia la fo benefisiu ba povu Timor Leste no mina no gas ne’e direitu fundamentu povu Timor nian. 

Negosiasuan lao, maibe governu Australia kontinua kaer metin tratadu passadu ne’ebe laos nia direitu fundamental. Aliende ne’e, kona ba relasaun dilomatika entre nasaun rua ne’e, (Timor Leste ho Australia), iha kazu akordu CMATS, diario ne’e asesu komunikadu husi Ministru Estadu no Prezidenti Konsellu Ministru no Porta Voz Ofisial Governu Timor Leste, Heremengildo Pereira (Agio) hatete, relasaun diplomatika katak relasaun ne’ebe predominante entre pais rua ne’e no sei kontinua nafatin, iha unidade ne’ebe klean tebes, amizade no respeita ba malu. 

,