SES Francisco Guterres: “Regulamentu Bandu Membru PNTL Lori Kilat Ba Uma”

.

Hmmmm...

Jornal Nacional Diario - Kinta-Feira, 06 Junho 2013 

Sekretario do Estadu Seguransa (SES), Francisco Guterres, afirma katak, regulamentu Policia Nasional Timor Leste (PNTL), nian kada membru PNTL ida mak oras servisu hotu ona laiha direitu atu lori kilat ba ida-idak nia uma. 

“Ami iha regulamentu ida atu regula kualker membru PNTL sira ne’ebe sai husi servisu fatin tenke husik hela sasan Estadu nian ka arma hanesan kilat iha sira nia fatin mak nia fila ba nia uma no kilat ne’e tau iha ne’e hodi kontrola,” informa SES Francisco iha Parlamentu Nasional, Tersa (04/6). 

SES Francisco esplika katak, relasiona ho membru PNTL lori kilat ba uma mosu tiha ona kazu konkretu ida hanesan foin lalais ne’e iha membru PNTL ida lori kilat ba uma, to’o iha ne’eba nia oan hanoin sasan halimar foti halimar derepente nia uza hodi tiru mate nia alin, ne’ebe agora dadaun membru PNTL ne’e sira fo ona sansaun pena tanba nia uza sala kilat. 

“Hau hanoin kestaun sira ne’e iha lei no regulamentu iha hodi regula buat sira ne’e hotu ne’ebe ami buka atu obriga nafatin kompostu husi komandante unidade, komandante seksaun, komandante eskuadra atu bele uza lei no regulamentu sira ne’e ho didiak, atu nune’e ita nia policia iha karik bele lao diak liu tan,” afirma SES Francisco. 

Ho problema ne’ebe mosu, foin lalais SES halo enkontru hodi fo hanoin ba malu katak, komandante tenki iha korazen atu bele impoen lei ba nia elementus sira hahu husi komandante seksaun atu nune’e sir abele kontrola sira nia membru.

.