“Saudozo Duarte Fila Ona Ba Aman Maromak Nia Kadunak”

.

Notisia Husi TVTL - Kuarta-Kalan, 12 Junhu 2013 

Saudozo Duarte da Cruz Alias ‘Waitulu’ ne’ebe fila hikas ba aman maromak iha semana kotuk, durante ne’e fo kontribuisaun boot ba Independensia Timor-Leste. Xefe Esatdu Taur Matan Ruak hodi Estadu no veteranus nia naran haro’o kondolensia ba matebian. 

Saudozo Duarte da Cruz gakotu nia i’is iha loron 5 Fulan Junu iha Ospital Nasional Guido Valadares Dili. Xefe Estadu Republika Demokratika Timor Leste ne’ebe marka prezensa iha saudozo nia serimonia funebre hateten, ema ne’ebe subar eis komandante En-xefe Kay rala Xanana Gusmao konsidera hanesan familia ne’ebe onradu. 

“Sempre fo nia kontribuisaun ba funu hodi liberta ita nia rai nian, iha momentu nia fila nia uma hanesan komandu da luta, Maun Boot Xanana Gusmao laiha iha ne’e, hau lori nia naran, lori gerileiro tomak, lori Frente armada, frente klandestina, nasaun tomak agardese ba jerosidade ida ne’e, se xanana Gusmao subar iha uma, ne’e espesial tebes ba nasaun” dehan Taur Matan Ruak. 

 Saudozo Moris iha Builale Ossu iha loron 29 Fulan maiu tinan 1937 husi aman kaigari no inan Saheboki, iha tinan 1974 to’o tinan 1975 numeadu hanesan primeiru membru ASDT-FRETILIN ba alia leste hanesan, Bairopite, fatumeta, manleuana, 

Lisbuta no rohu-meta. Iha tinan 1975 antes halo deklarasaun unilateral ba proklamasaun independensia simu orientasaun husi Comite Central FRETILIN (CCF) hodi sosializa servisu Partidu FRETILIN iha Ossu. 

Iha tinan 1992 to’o tinan 1993 senor Duarte da Cruz ho nia oan mane Manuel Rangel da cruz hetan kapturasaun husi Forca Indonesia ramba subar komandante En-xefe Kay Rala Xanana Gusmao iha uma Fatumeta, Dili. 

 Saudozo Duarte da Cruz simu kondekorasaun hanesan veteranu iha Ossu, Distritu Viqueque. 

,