“Prostituisaun Sei Iha Palasiu Prezidenti Nia Sorin”

.

Jornal Timor Post - Kuarta-Feira, 12 Junho 2013 

Maske Prezidenti Republika (PR), Taur Matan Ruak hakilar ona ba Polisia no autoridade kompotente maibe atividade prostituisaun iha palasiu prezidensial nia sorin kontinua lao nafatin. 

Xefi caza Civil, Fidelis Magalahes deklara, durante ne’e PR Taur Matan Ruak sempre levanta kona ba atividade prostituisaun ne’ebe hala’o iha palasiu prezidenti nian sorin parte kompotente hodi hola medidas maibe to’o ohin loron la iha mudansa. 

“Prezidenti Republika levanta ona no assuntu ida Prezidenti preokupa ba instituisaun hotu husi altu nivel to’o hau rasik koalia ho xefe suku Bairu-Pite hodi haree kestaun ne’e, maibe to’o agora laiha rejultadu,” haktuir Fidelis ba jornalista iha palsasiu Prezidenti, bairo Pite, dili (11/6). 

Nia hatutan,”Atu hasai uma prostituisaun ne’ebe besik iha palasiu Prezidenti nia sorin ne’e, kompetensia autoridade lokal hanesan polisia no dirasaun nasional terras propriedades nia kompetensia,” dehan tan Fidelis. 

Antes ne’e, iha IV Governu Ministeriu turizmu, Komersiu no Industria (MTCI) liu husi parte inspensaun kopera ho PNTL halo inspensaun hodi taka fatin refere, maibe uma nain lakhi tanba liu husi atividade ne’e mak sustenta nia moris. 

Liu husi negoisiasaun, Governu promete pronto atu fo apoiu ruma ba uma nain, wainhira fatin refere taka no muda ses husi bairu-Pite, maibe realidade atividade prostituisaun kontinua lao iha fatin refere no seidauk muda sai.

.