Prizioneira Lucia Hetan Moras Grave: “Parte HNGV Resposta Ona Karta Notifikasaun Husi Tribunal”

.

Jornal Nacional Diario - Tersa-Feira, 04 Junho 2013

Director HNGV informa kona bndementu HNGV ba prizioneira Lucia Lobatu la iha posiblidade atu halo tratamentu iha rai liur hanesan Singapura, ho rajaun katak, maske HNGV infrenta difikuldade material maibe sei bele tahan ho mora relatoriu ateas ne’ebe mak eis Ministra Justica ne’e sofre ba.

“Karta Notifikasaun husi Tribunal iha semana liu ba, mai ami, ami responde ona antes fulan Maiu remata, tanba sira fo prazu loron 10 atu responde entaun antes ne’e ami deskreve ona kona ba saida mak momentu ne’e doutor sira halo durante prizioneira ne’e halo tratamentu iha ne’e e ami haruka ona ba iha Tribunal,” Domingos da Silva haktuir.

Nia hatutan, resposta karta notifikasaun ne’e esplika kona ba oinsa etendementu doutor espesialista sira inkli infermeiro sira ba pasiente Lucia Lobatu durante baixa iha HNGV, tanba iha karta notifikasaun Tribunal husu atu esklarese lolos saida mak HNGV halo ba Lucia Lobatu nia moras foin lalais ne’e.

Domingos da Silva optimista katak, durante HNGV halo tratamentu ba prizioneira Lucia Lobato jeralmente buat hotu lao ho diak, maibe koalia kona ba diak ka at, depende fali ba sentimentu moras nain ne’e, tanba iha limitasaun barak mak HNGV dadaun ne’e enfrenta.

.