“Prezidenti da Republika Simu Karta Kredensial Husi Nasaun 5”

,

Notisia Husi TVTL - Tersa-Kalan, 04 Junhu 2013 

Embaixador Apostolica Anunsiatura, Chili. kolombia, Urugai ho embaixador Qatar entrega karta kredensial ba Prezidenti da Republika iha Palasiu Prezidensial. 

Embaixador hirak ne’e simu husi parade militar liu husi F-FDTL, akompania Hino Nasional husi nasaun ida-idak. 

Terca-feira ne’e, embaixador apostolica Anunsiatura, liu husi Jose Marino entrega karta kredensial ba Xefe do Estadu Taur Matan Ruak, iha Palasiu Prezidenti Aitarak laran hanesan parte ida hodi hametin relasaun Vatikano ho estadu Timor Leste iha futuru, tamba Timor Leste nasaun ne’ebe maioria relizaun Katolika iha reijaun ASIA Pasifiku. 

Aleinde embaixador Apostolica, Xefe do Estado Taur Matan Ruak mos simu karta kredensial husi nasaun Republika Chili, husi embaixador Eduardo Luis hanesan reprejetante Estadu Chili iha Timor Leste. 

Iha oportunidade ne’e mos embaixador Kolombia ne’ebe akompania husi nia espoza entrega karta kredensial ba Prezidenti Taur Matan Ruak hanesan primeira reprezetante Estadu Kolombia iha Timor Leste hodi hametin relasaun bilateral iha futuru. 

Enkuantu embaixador Republika Oriental Urugai Alberto Leopoldo entrega mos karta kredensial ba xefe do Estadu Taur Matan Ruak iha palasiu Prezidensial Nicolau Lobato, Dili hanesan primeira reprejetante Estadu urugai iha Timor Leste. 

 Iha oportunidade ne’e mos Xefe Estadu simu karta kredensial husi embaixador Nasaun Qatar hodi hametin relasaun bilateral nasaun rua ne’e iha futuru, tamba durante ne’e Qatar mos fo apoiu balun mai Timor Leste.

Editor Foto: Paizinho Tilman -  Facebook
Fotógrafo: Abick Carceres
.