“Polisia Migrasaun Failla, Ema Ilegal Fo Perigu Ba Timor Leste”

.

Jornal Independente - Sesta-Feira, 07 Junho 2013 

Deputadu Parlamentu nasional (PN) no sosieade sivil konsidera ema illegal sira ne’ebe tama sai Timor-Leste sei fo perigu, tanba neineik sei hamsou problema social iha futuru. 

“Hau hanoin se ida ne’e maka beibeik kalru katak sei fo impaktu ekonomia, social bele mosu se tinan ida roo ida mai ema 40 mak iha laran, sira komesa okupa ona rai balun no ita rain nain sei sai haree nain ba sira neebe bele domina iha fator ekonomia TL nian,” hateten Direktur ezkutivu FONTIL Arseino Pereira da Silba ba INDEPENDENTE, kinta horseik iha nia fatin. 

Nia dehan, tuir lolos Timor Leste nasaun kiik bele kontrola, nune’e polisia migrasaun maka tenki servisu maka’as hodi hare ema sira tama sai. Entertantu, 

Tuir Diretor Servisu Migrasaun Superitendente Assistente Polisia Jose da Costa hateten, sira kaptura ema illegal barak ona, maibe la iha osan atu halo deportasaun. 

“Ita laiha osan ba deportasaun tanba ne’e maka ami foti alternativa hodi deporta ema sira ne’e liu husi sira nia embaixada iha ne’e (TL),” hateten Jose. Polisia migrasaun kaptura ema illegal husi Indonasia, Xina, Filipina, Myanmar, Thailandia, kambodia, maibe ema illegal barak liu husi Indonesia liu hisi fronteira. 

Nune’e Deputadu Duarte Nunes konsidera preokupasaun Polisia migrasaun ba osan deportasaun ema illegal ne’e la iha abze fundamental. Tuir nia katak, meus prevensaun mak importante atu bele minimiza ema illegal atu tama teritoriu Timor Leste. 

 Deputadu ne’e kritika katak, prosesu deportasaun ne’ebe Diretor servisu migrasaun preokupa ne’e laos problema osan maibe tamba servisu migrasaun nian mak faila hodi kontrola lina fronteira. 

 “Ami halo fiskalizasaun ne’e nia rejultadu maka tenki tau pontu sira ne’ebe maka hau dehan katak, bele fasil ema tama mai iha ita nia rain hanesan tau adidu migrasaun nia iha nasaun ne’ebe maka nia ema ne’e tama barak liu mai ita nia rain,” hateten deputadu ne’e iha PN (6/6). 

Kestaun ne’e, Diretor Exekutivu FONTIL Arseino mos sujere ba Governu tenki tau prioridade buka meus hodi deporta lalais ema illegal sira, tanba neineik bele domina iha Timor Leste. 

 “Hau hanoin iha pais hotu tenki iha responsavel ba asuntu ne’e atu nune’e la bele hamosu problema iha futuru,” hatetn Arsenio. 

,