PNTL Baku Deputadu “PR Taur Konsidera Grave”

.

Jornal Nacional Diario - Kuarta-Feira, 12 Junho 2013

Prezidenti Republika (PR) Taur Matan Ruak, konsidera kazu ne’ebe akontese foin dadauk entre membru Polisia Nasional Timor Leste (PNTL) husi Unidade Taks Force baku deputadu Parlamentu Nasional ne’e grave, tanba ne’e maka Prezidenti Republika husu tenki rejolve lalais no fo atensaun maka’as ba lei no orden.

“Bom (diak) Prezidenti konkorda ho Komisaun B katak asuntu sira ne’e grave no urjente para ita tenki rejolve agora, hotu-hotu konkorda katak, PNTL ne’e buat ida que agora dadauk ita tenki fokus makaas atu atensaun para instituisaun bele sai tuir sira nia kna’ar lei no orden ninian,” haktuir Prezidenti Komisaun B, Maria Lurdes ‘Bessa’ ba Jornalista sira iha palasiu Prezidensial Aitarak-laran, Dili, Tersa (11/6), hafoin informa tiha kestaun refere ba Prezidenti Republika.

Aleinde informa kazu ne’e ba PR Taur, Prezidenti Komisaun B, PN Maria Lourdes mos informa asuntu kona ba julgamentu ba membru PNTL ne’ebe tiru mate Armindo Pereira iha Hera, inklui mos deklarasaun husi Komandu PNTL Distritu Dili, Pedro Belo nian konaba Task Force baku Deputadu no julgamentu ba ajente PNTL nain rua ne’ebe tiru Armindo Pereira iha Hera.

 Husi asuntu hirak ne’ebe Komisaun B Deskute ho Xefe EStadu Taur Matan Ruak ne’e ho objetivu oinsa maka bele analiza hamutuk situasaun hirak ne’e para bele haree ba oin no rezolve problema hirak ne’e.

Foto de,  Presidencia da Republica de Timor Leste
Editor Foto: Paizinho Tilman
Fotógrafo: Abick Carceres

.