“PN Sei Kontrola FP Tama Servisu Tarde”

,

Jornal Timor Post - Sabadu, 08 Junho 2013 

Parlamentu Nasional (PN) liu husi Komisaun G ne’ebe trata asuntu etika, iha ona planu atu halo dekretu lei ida par abele iha kbiit naton atu kontrola membru governu ho funsionariu publiku ne’ebe tama servisu tarde. 

Deputadu mateus de Jesus, nuudar Prezidenti Komisaun G ba Timor Post, Sesta (07/6) hatete, nia parte iha ona planu atu kordena ho governu no mos komisaun Funsaun Publiku (KFP) atu hamosu dekretu lei ruma hodi kontrola funsionariu ne’ebe baruk ten. 

Nia rekonese, durante ne’e primeiru Ministru (PM) Kay Rala Xanana Gusmao mak hakilar beibeik funsionariu ho membru Governu sira ne’ebe hala’o kna’ar iha instituisaun estadu nian, maibe parlamentu ne’ebe halo fiskalizasaun aktividade governante sira nian laiha baze legal ruma. 

“Ami iha planu ona atu tur hamutuk ho Governu, atu halo lei ruma para observa beibeik servisu membru governu ho funsionariu publiku sira ne’ebe dader tama tarde, meudia sais edu ba uma,” deputadu husi bancada CNRT ne’e esplika. 

Tanba tuir lei ne’ebe iha Funsaun Publiku (FP) sira tenki servisu semana ida loron hitu (7) i loron ida tenki servisu oras 8 nia laran, tama servisu tuku 8:00-17:00 Otl. 

Nia sublinha, liu husi kontrolu Parlamentu nasional nia ba to’o edifisiu instituisaun estadu hotu, sei bele halo funsionamentu makina estadu iha ne’e lao diak ba iha futuru. 

,