PM Xanana: “TL-Australia Iha Problema Boot”

.

Jornal Independente - Sesta-Feira, 14 Junho 2013

Primeiru Ministru (PM) Kay Rala Xanana Gusmao deklara oras ne’e dadaun Timor-Leste iha problema boot rua hasoru Australia, maibe zefe Governu ne’e la esplika detallu problema rua ne’e. Antes ne’e, Ministru Peroliu no Rekursu Naturais (MPRN).

Alfredo Pires hateten, Timor Leste hasoru problema rua mak, kazu akuza malu la selu taxa entre TL ho kompania ConocoPhilips, no ida seluk kona ba kazu akordu Certain Maritime Agreement in The Timor Sea (CMATS) ne’ebe seidauk rejolve.

“Imi nuudar estudante (Estudante UNDIL) tenke hatene mos, tuir lolos hau la mai atu hasoru imi, tanba ita sei iha problema boot rua ho kompania Australia, ne’ebe tuir loloos ita hotu preokupa ba iha ne’eba, dehan Xanana bainhira hasoru estudante UNDIL nuudar Prezidenti Fundasaun BOAKRIL UNDIL nian, Kinta horseik.

Tuir nia katak, problema ne’e bele rezolve bainhira sosieade hotu-hotu tenki ho lia fuan ida deit katak, kanu mina no gas iha Greater Sunrise tenke maid uni Timor Leste, laos ba Australia.

Antes ne’e mos, bainhira PM hala’o desentralizasaun no poder lokal iha Distritu Viqueque hateten kazu Vonocophilips ho Governu Timor-Leste ba oras ne’e dadaun sei lao hela iha prosesu, tamba kompania internasional hakarak supa rikusoin Timor nian.

Primeiru Ministru Kay rala Xanana Gusmao hatete, Timor Leste durante ne’e iha problema boot ho kompania Conocophilips ne’ebe halo eksplorasaun ba mina iha tasi Timor, tanba sira hakarak halo imprelizmu ekonomiku hodi hanesan no naok bei-beik TL nia rikusoin. Xefe Governu hatutan, kompania internasional la selu ona taxa, maibe sira naok tan Timor nia riku, hahalok ida ne’e labele tolera.

Durante ne’e, Conocohilips konsidera Timor Leste seidauk iha esperensia, tanba ne’e sira hakarak aproveita oportunidade ida ne’e hodi hanehan bei-beik Timor-Leste.

“Tanba ne’e, se ita la hamutuk ho hanoin ida deit, hau hanoin ema sei hanesan nafatin ita, no sei naok nafatin ita nia rikusoin,” hateten PM Xanana bainhira hala’o divulgasaun kona ba desentralizasaun no poder lokal iha Distritu Vikeke.

Kompania Conocophilips, lori ona Timor Leste ba arbitrazen internasional singapura kona ba kazu akuza malu la selu taxa, oras ne’e Timor Leste hein hela prosesu kazu ne’e. Aliende ne’e, Governu Timor Leste hili ona arbitrazen internasional Inglatera, Londres atu bele rejolve kazu akordu CMATS nian, Governu TL mos prepara ona advogadu husi Inglatera atu bele defende direitu povu TL nian.

Relasiona ho kazu hirak ne’e, PM Xanana haruka ona karta notifikasaun ba Primeiru Ministru Australia Julia Guilard, iha loron 23 Fulan-Maio 2013, to’o oras ne’e, Australia seidauk responde karta ne’e.

Entertantu, embaixador Australia Miles Armitage liu husi nia Primeiru Sekretariu informa ba Jornal INDEPENDENTE katak, governu Australia sei responde karta Primeiru Ministru Kay rala Xanana Gusmao iha loron 22 Fulan Junu ne’e.

.