“Osan Laiha, ME Trava Distribuisaun Livru Ba Eskola”

.

Jornal Independente - Kuarta-Feira, 05 Junho 2013 

Ministeriu Edukasaun (ME) to’o ohin seidauk Distribui livru ba eskola sira iha Timor laran tomak tanba osan laiha atu selu pesoal lojistika hodi lori livru ne’e ba Distritu sira. 

Diretur kurikulu ME, Raimondu Jose Neto hateten, ME foin hahu distribui livru ba eskola sira iha Distritu Dili ne’ebe hahu husi klase 1 to’o klase 9. 

Tuir dadus total alunu esninu baziku iha Timor laran tomak hamutuk rihun 62 no livrus ne’ebe governu prepara atu halo distribuisaun hamutuk rihun 65.

 “Distritu selu-seluk dala ruma hein osan iha mak foin halo distribuisaun,” dehan nia ba Jornalista iha edifisiu ME, tersa (4/6). Antes ne’e, inan-aman estudante sira iha ensinu baziku Farol, Dili, preokupa tanba estudante sira seidauk uza livru bainhira tuir prosesu aprendizazen. 

Reprezetante inan-aman alunus Ensino Baziku Farol, Jose Ximenes sente triste no preokupa ba livru tanba ME antes ne’e dehan fahe tiha ona livru ba eskola hotu-hotu, maibe realidade iha prosesu aprendizazen professor sira maka kaer livru no alunsu sira kaer kadernu ho lapizeira hodi akompania. 

.