“Nutrisaun Mukit, Amiasa Pasiente”

.

Jornal Timor Post - Kinta-feira, 20 Junho 2013 

Atendementu pasiente iha Ospital Nasional Guido Valadares (HNGV) oras ne’e sai pior liu, kuaze sala sira difisil atu hasoru doutor, at liu-tan aimoruk mos pasiente sira tenki ser ba buka no sosa iha liur. 

 Iha observasaun Timor Post durante dala rua tui-tuir malu, hahu husi segunda to’o Kuarta (19/6), akompania vizita primeira damam Isabel Ferreira iha Ospital, identifika problema hanesan, hahu husi sala VIP to’o sala baibain laiha doutor, iha deit sejuria feto mak iha doutor ida, akompania no esplika ba Primeira Dama kona ba kondisaun pasiente ida-idak. 

Situasaun ne’e halo pasiente balun lakon esperansa, hanesan akontesementu iha segunda, pasiente ida mate ho moras tafui ran maka’as iha sala interna mane nian, tanba deit doutor la kontrola beibeik. Bainhira ba observa, pasiente ne’e hein ba mate, ida ne’e halo familia asiente laran susar, no sira bolu Primeira Dama hodi ba hato’o problema sira ne’e. 

Aleinde ne’e, tuir ponte kredivel ida katak, depois de rezime kareira ba infermeiru sira implementa, atendementu husi infremeiru sira pior liu tan, sentidu misaun hanesan servidor ba ema moras, mos lakon kedas, nia impaktu mak difisil hasoru mediku sira ne’e iha ospital. 

Problema sleuk mak, Primeira dama detekta kona ba nutrisaun, tuir fontes kredivel seluk, pasiente sira ne’ebe moras iha ospital ne’e, kuaze hetan hahan ne’ebe prepara hanesan deit, nasi kotak ho manutolu da’an. 

Entertantu, iha pasiente balun ne’ebe presiza aihan no nutrisaun diak no protein, Familia sira ne’ebe mai husi foho, laiha psobilidade hodi responde ba sira nia prblema nutrisaun ne’e. 

Hata’an ba kestaun ne’e, Primeira Dama hateten, ne’e preokuasaun boot, tanba saude ne’e sai perioridade ba ema nia vida, no hetan ona investimentu osamentu maka’as, maibe la iha vontade diak husi profesionais saude sira. 

 “Ida ne’e dai preokupasaun boot, tanba Ministeriu Saude ne’e sai perioridade boot, investe maka’as iha area ne’e ema internasional mos fo apoiu, maibe, profesionais saude maka laiha vontade atu hadia atendementu,” Isabel afirma. 

Situasaun ne’en tuir nia tenki hadia lalais mekanismu, tanba ema barak nia vida depende ba atendementu mediku sira, atendementu ba ema boot deit la dun diak ona, sa tan ba povu kiik nia oan sira. Jornal Timor Post Kinta-feira, 20 Junho 2013 CPD-RDTL Fa’an Hare Tonelada 40 Ba Governu“” Konsellu Popular Demkratiku-Republika Demokratika de Timor Leste (CPD-RDTL) husu governu atu sosa hare tonelada 40, ne’ebe sira halo iha Aldeia Halik, suku Beko, Sub Distritu Suai. 

“Hau rasik koalia ona ho Ministru Komersiu Industria no Ambiente (MCIA) atu bele iha planu hodi sosa produtu lokal haree ne’ebe oras ne’e dadaun ami iha,” dehan Kordenador CPD-RDTL Acasio Alves iha nia diskursu hafoin partisipa iha dialogu komunitariu iha Merkado, Beko sabadu foin lalais ne’e. koordenador CPD-RDTL ne’e mos informa, durante ne’e nia parte mos halo kopoerasaun diak ho Governu, tan ne’e husu ba governu tenki sosa sira nia produtu lokal ne’ebe CPD-RDTL iha. Acasio sublinha katak, CPD-RDTL hakarak dezenvole rai ida ne’e liu husi Agrikultor, maka ohin loron hatudu ona rejultadu diak hodi hetan 40 tonelada atu faan ba iha governu. 

“Hau tenke entrega duni ba iha governu tanba MCIA promete katak kada kilograma U$ 1, ne’ebe oras ne’e hau hein hela rezultadu husi governu atu mai sosa hare sira ne’e,” dehan nia. 

Acacio hatutan, ho rezultadu ida hakarak hato’o ba iha GOvernu lokal inklui PNTL ho F-FDTL iha Distritu Covalima katak, durante fulan hirak nia laran, CPD-RDTL okupa rai iha area Halik ne’e mak ninia rezultadu mak ne’e, agora hein deit rezultadu husi governu atu mai sosa.

,