Na’uk Labarik: “Polisia Bali Ka’er Timor-Oan”

.

Jornal Timor Post - Sabadu, 15 Junho 2013 

Polisia husi Provinsia Bali-Indonesia, ka’er tiha ona Timoroan nain rua (feen ho laen) wainhira naok labarik ida ho naran Ogan Betrand Nicholas Mattei (2), ema husi Franca. 

Tuir Noticia ne’ebe fo sai iha ‘Jakarta Globe’ Manuel Henriques Siares (45) ho nia espoza Zonia Maria Gracia (33) ho brani nauk labarik ne’e tanba razaun laiha ona osan atu fila-fali mai Dili. Xefi Departementu Relasaun Publika Plisia, Agus Rianto, Sesta (14/6), iha Mabes Polri, Jakarta, informa, nia parte kaer Timo-oan nain rua ne’e iha Kinta (13/6), iha Bali. 

Agus haktuir kronololia, labarik ne’e hetan naok wainhira ho nia aman Cristopher Charles J Mattei ba passa ferias iha Bali, iha loron Segunda (10/6) kalan. Cristopher hasoru malu ho Zonia iha fali deskoteka ida, la duvida, Cristopher mos konvida Zonia ba Pauzada (Penginapan). 

“Dadersan de’it Ogan ho Zonia laiha tiha ona, Christopher fo hatene ba Polisia hodi buka tuir kedas,” Haktuir Agus. Kazu ne’e deskobre wainhira Polisia kaer uluk kondutor Zonia, husi informasaun kondutor ne’e maka konsege detekta Zonia ho nia laen kaben Manuel. 

“Fou-foun Ogan la hamutuk ho autor sira, wainhira litik afinal autor sira ba fo tiha iha uma maon ba labarik, (Pantai Asuhan) iha Sidade denpasar, bali, no konsege foti fali labarik ne’e,” Agus hatutan. 

Timor-oan nain rua ne’e akuza ho artigu 82 konstituisaun Indonezia nia konba protesaun labarik, no ameasa kadeia tinan 15, no multa 300 miloens, autor sira mos akuzadu ho artigu 328 Kodigu penal, ho ameasa kastigu tinan 12 no artigu 365, kona ba naok no violensia ameasadu kadeia tinan lima ba leten. 

,